ألـي يدور للـزعل كيف نرضيه

[ماضي الصبر]

.
.

الأخوة الكرام إليكم هذه الأبيات آملين أن تحوز على رضاكم

ألـي يدور للـزعل كيـف نرضـيه=وألـي يدور للرضـا من يغيضـه
مـن خلقـة الدنيا جديده وماضيـه=على كذا قاسـيه وألا غظيظــه
أحـدً يكـدر خاطر ألـي يداريـه=وأحدً لو أنه ضاق صدره تريضـه
وأحـــدً لو أنك شلت راسه يوطيه=مـا ينتهظ مثل الرجال النهيضـه
وأحـدً يشرف باللقـاء تحتزم فيـه=وألا الردي كلن ترى يستحيظـه
والمرجلـة للـي عزومـه تهقويـه=ماهـي لمـن برده يهمـه وقيظـه
كلـن ترى عقلـه برايـه يكفيـه اللـه=يعاف أهـل النفوس المريضه
والأدمــي ربه هو ألـي يمشـيه=من يوم كوّن بين الأصلاب بيضـه
وأنـا ومثلـي ثابتاتٍ مباديـــه=مهمـا حصل بين النقـيض ونقيضه
ثابـت ولا يمكـن يهـزه ويغريـه=راع الهـدف مهما تزايـد لميضـه
فكـره دليلـه لا تحـير يقديــه=ناصع مثل شمـس الأصيل بوميضـه
من طـاب لـي حييتـه الله يحييــه=وأعشـبت له بين الصناديق فيضـه
وأسكنـته الخافـق وشيد مبانيـه=تحـت القفص بين الضلوع العريضه
أصـنع له الكايـد صناعه وأساويـه=بالقـاع مهما كان حق وفريضـه
ما دام يغليني فأنـا والله أغليــه=وأن جض قلبي جض له من جضيضه
راع الوفـاء عهـدً عليـه لأجازيـه=بالطـيب عهد من العهود الغليظـه
أمـا الردى لأفرك خشم راس راعيـه=يـا بغضي لأهل النفوس البغيضـه
ألـي حاول بيعتـي كيف أبشريــه=حـرام لو يعـرض عليه عريضـه
بـأقرب نفايـه مستعد أني ألقــيه=عهـد ووعد لحطهـا لـه حفيظــه
لانـي مراعيـي له ولانـي محابــيه=هذا الحقيقــه نقص ما فيه عيظـه
لا أشـره عليه ولا عليـه مشاريــه=دامه كذا يا أهل البخوت الحظيظـه
يا ألـي تجيب العلـم وألا توديـه=ترى بعضّ بحث السوالف غميضـه
قهـر وغبن مـا ينحكي كيف نحكيـه=لـو نشرحه جاء لأكثر الناس هيظـه
لكـن من الحكمـة نحـاول نخبيــه=وش فايـدة نـّي الكـلام ونجيظـه

.
.
.

[هيـاا العـازمـي]

عسى الله ما يجيب الزعل بين الاحباب

قصيدة مؤثرة فعلا

صح الله لســان شاعرها

والله يسلمك ويبيض وجهك يا ماضي الصبر

على هذا الانتقاء المميز

يعطيك العافيه ولا يهيينك

لا تحرمنا من روعة جديدك القادم بإذن الله

تقديري

هيــــاااا

[اميرة الحرف]

وأنـا ومثلـي ثابتـاتٍ مبـاديـه
.....................مهما حصل بين النقيـض ونقيضـه
ثابـت ولا يمكـن يهـزه ويغريـه
.......................راع الهدف مهمـا تزايـد لميضـه
فكـره دليلـه لا تحيـر يقـديـه
.....................ناصع مثل شمس الأصيل بوميضـه
من طـاب لـي حييتـه الله يحييـه
.......................وأعشبت له بين الصناديـق فيضـه
وأسكنته الخافـق وشيـد مبانيـه
......................تحت القفص بين الضلوع العريضـه
أصنع له الكايد صناعـه وأساويـه
..........................بالقاع مهما كان حـق وفريضـه
ما دام يغلينـي فأنـا والله أغليـه
.........................وأن جض قلبي جض له من جضيضه
راع الوفاء عهـدً عليـه لأجازيـه
.................................بالطيب عهد من العهـود الغليظـه
أما الردى لأفرك خشم راس راعيـه
..............................يا بغضني لأهل النفـوس البغيضـه
ألي يحاول بيعتـي كيـف أبشريـه
.................................حرام لو يعـرض عليـه عريضـه
بأقرب نفايه مستعـد أنـي ألقيـه
...................................عهد ووعد لحطهـا لـه حفيظـه
لاني مراعيـي لـه ولانـي محابيـه
................................هذا الحقيقه نقص مـا فيـه عيظـه
لا أشره عليه ولا عليـه مشاريـه
.................................دامه كذا يا أهل البخوت الحظيظـه




ابداااااع وابيات مليئة بالحكمة في العلاقات الاجتماعيه
اخوي ماضي صح لسانك لاهنت

[محمد المقبل]

الاخ العزيز ماضي الصبر

بارك الله فيك هذه القصيده من روائع الشعر في هذه الايام


ونتمنى ان نعرف شاعرها لانك وضعتها في المختارات الشعريه


صح لسانك ولسان شاعرها


دمت بكل خيروعافيه

[خلف الغريب]

رائعة يا ماضي وذوقك اروع ..

شكرا لهذا النقل الطيب وبانتظار جديدك...

[ماضي الصبر]

الأخت هيا العازمي

بعد التحية والتقدير ,,,
أشكر لـكِ مروركِ الكريم ولكِ مني إحترامي وتقديري

وآسف على تأخر إجابتي على الردود والمشاركات للدافع إنشغالي

أخوك ماضي الصبر

[ماضي الصبر]

الأخت العيوف

بعد التحية والإحترام ,,,
أشكر لكِ الرد والمرور الكريم
وأسف على تأخر الرد لأسباب إنشغالي

أخوكِ ماضي الصبر