19/06/05, (07:58 PM)
|
المشاركة رقم: 1
|
| المعلومات |
| الكاتب: |
|
| اللقب: |
عضو نشيط جدا |
| البيانات |
| التسجيل: |
11/06/05 |
| العضوية: |
263 |
| الدولة: |
ويلان في كل الديار انتشرنا |
| المشاركات: |
424 |
| بمعدل : |
0.06 يوميا |
| معدل التقييم: |
60 |
| نقاط التقييم: |
50 |
 |
| الإتصالات |
| الحالة: |
|
| وسائل الإتصال: |
|
|
المنتدى :
منتدي الشعراء
إلى كـل وائـلي أصيــل
سلام عليكم ورحمة الله ،،،،
هذه القصيدة ،، كتبتها ولها أسبابها التي جعلتني اكتبها ،،
واوجهها الى كل فرد ينتمي للوايلية ،،، وإلى الشعراء خصوصا ً ..........
اترككم مع القصيدة لتعبر عن نفسها
يـاراكـب ٍمــن فــوق حـيـل ٍ مناحـيـل=حيـل ٍ علـى قطـع الفيـافـي هميـمـات
طفقـات عـجـلات وكنّـهـن الهراقـيـل=ومـن المقيـل مـذيـره حــس طلـقـات
ماعـوّدن لسحـب الرشـا بالمحاحيـل=حـيــل ٍتــقــرّب لـلـديــار الـبـعـيـدات
حمـر ٍ ولا طلـيـن بحـامـي المثامـيـل=تـروّحــن مـــن عـنـدنـا بالـمـهـمـات
عليـهـن الـلـي حـركـوا بـاخـر اللـيـل=ماهمّهـم لـو كـان تبـطـي المسـافـات
تـسـهـلّـوا بـالـحــال دون الـدوالـيــل=قــروم الـرجـال وعارفـيـن الملـمّـات
ملـفـاهـم اولاد وايـــل عـــن الـمـيــل=بايمانهـم مضمـون خــط الـرسـالات
يــاولاد وايــل قـلـت مـاهـي تماثـيـل=عنـدي الصمـال مصـدّق بالشهـادات
عميتـكـم مــن دون خـصـر ٍ بتقـلـيـل=أنخى القبيلـه دون بعـض الحـزازات
سبـعـه وفـدعـان ومحـلـف ورويـــل=و ولادعه وعيال السهيلـي عمـارات
ومنابـهـه وأهــل الـجـدعـا بتكـمـيـل=وشراعـبـه نعـدّهـم صـــدق بـاثـبـات
لهم الشرف بايـام عصـر المصاويـل=يـوم المـلاقـا بالسـيـوف الشطـيـرات
تدحـم علـى جمـع المعـادي جحافـيـل=فـوق المهـار السابـقـات السريـعـات
كـم غـازي ٍ أنكـف ولالــه محاصـيـل=كـود النـدامـه مربـحـه والحسـوفـات
وكـم فـارس ٍ زتـوه بـحـد المصاقـيـل=وأصبح فريسه للوحوش الضريـرات
يرعـون فــي قـفـر الـديـار ومنـازيـل=وقطعانهم بـارض المخافـه سمينـات
اهــل الشهـامـه والـكـرم والتنـافـيـل=واهـل المـروه والسجـايـا الكريـمـات
سقـم الحـريـب ومتعبـيـن المعامـيـل=ريـف الضعيـف ومحتميـن الونـيـات
يفرح بهـم ضيـف الخـلا والهواشيـل=لضيفانهـم مثـل المـزون المطـيـرات
ولاذكـر بهـم فعـل الخـزا والمـرازيـل=ولا مارسـوا فعـل الـردى والقبيحـات
يـذكـرهـم الـتـاريـخ مـاهــي تــآويــل=قولـي صحيـح ولاذكـر بــه محـابـات
افعولهـم لــو هــي جــرود ٍمسامـيـل=يبـقـى فخـرهـا باقـيـن لــه مـجــالات
عــادات ٍ تــورث لجـيـل ٍ بـعـد جـيـل=تبقـى لنـا تـذكـار لــو هــي قديـمـات
وانـا احمـد الله مابـهـا شــي تختـيـل=افـخـر بربـعـي بالسنـيـن العسـيـرات
عبـر الزمـن نفخـر بـهـم بالمفاعـيـل=اللي علـى الطـولات سـووا بطـولات
وفي وقتنـا المذمـوم شفنـا التهاويـل=مـثـل الحـلـوم الـعـابـره بالمـنـامـات
عجـبـت مــن دنـيـاي فيـهـا تعـالـيـل=دنـيــا تـقـلّـب بـيــن حـــرّ ٍ وفــيّــات
دنيا استوت لاهل الـردى والمسافيـل=وسوّت علـى الاجـواد نكبـه ونكبـات
بهـا العلـوم الخايسـه شفتـهـا تهـيـل=بهـا يطـول الـيـوم شــرح المـقـالات
علـوم ٍ تخجّـل مـن بـدا فيـه تخجـيـل=ماتنـرضـي يـاكـود لاهــل الحـيـالات
عجبـت كيـف الـذود وقــت التباهـيـل=والجـرب معـهـن واقـفـات صفيـفـات
وشفـت الحـرايـر بينـهـن كالقنـاديـل=مار الفتـى يارجـال مغضـي وسكّـات
وردت معـهـا الـجـرب يــم المناهـيـل=جـرب ٍ وراعيهـن تركـهـن همـيـلات
داره ليـا حطيـت أيـمـن مــن سهـيـل=ماشقاه ذوده ولا حسب لـه حسابـات
يشوفـهـن يــوم ان جـنّــه جهـاجـيـل=ومـع الطّـفـل بـيّـن اثـرهـن جلـيـلات
مـــار ان هـوّلـنـي رفـيــع المـنـازيـل=وشلون وسم الجرب وحط العلامـات
وسمـهـن بوسـمـه يــدور المخالـيـل=كيـف الفتـى يارجـال سوّالـه ســوات
أنشهـد انــه مــن الـرجـال المهابـيـل=عنده تساوى الجرب ويـا الحريـرات
ولابـد لــه يــوم ٍ يـزعـج بــه الـويـل=وفـي حينهـا مايفيـد قــول ونـدامـات
ولاسدْيـت سـوات الغلـط والاباطـيـل=ياكـود عنـد اهــل النـفـوس الدنـيـات
واللـي علـى ربعـه يسـوي الاقـاويـل=الله يـزيــده بـالـوحــول الـطـمـيـلات
مـن دون ربـعـه حــاطّ ٍ لــه عراقـيـل=يبغـى مـع الاجنـاب صولـه وجـولات
ربعـه ذراه بيـوم تسـرج بــه الخـيـل=هـم الـذرى ليـا صــار قـالـه وقــالات
والاجنـبـي لــو كــان يـدفـع بتمـويـل=مامقـصـده لاشــك حمـيّـه وفـزعـات
القـصـد بــان وكــل فـعـلـه تحـايـيـل=وش عــاد لـوانــه يـدعــم بـألـوفـات
العـلـم قلـتـه بـيـن رســل ومراسـيـل=والسالفه عـن مثلهـا مانبـي اسكـات
تكـفـون يانـسـل الـرجـال المشاكـيـل=رومـوا الـعـلا لاتتبـعـون السخـافـات
الــدرب بـيّـن ولا بــه الـيـوم تميـيـل=ومـن جنبـه نـاخـذ علـيـه التـزامـات
وشلـون يرضيـك الخـزا والمفاشـيـل=عطنـي مـردّك كـان تبغـا السـلامـات
البـيـت لــو كـــل اطـنـابـه جـوازيــل=ماتنفـعـه لـيـا صــار بلـيـا قـوامــات
واللـي بنـى ويختـار زيـن العمامـيـل=يسلـم مــن لــوم وهــرج وشمـاتـات
واليـوم شفـت الخلـق تحكـي تناقيـل=كـلـن شنـانـا بالـهـروج الجـريـحـات
قـالــوا عـــن اولاد وايـــل مـظـالـيـل=وانشهـد انـه صـدق ماهـي دعـايـات
انشهـد انــه صــدق مـاهـي تخايـيـل=اقـول قـول الصـدق باحلـى العبـارات
ولاشك بعض النـاس يحتـاج ترزيـل=اللـي علـى ربـعـه يجـيـب الــرزالات
لا واحسـافـه الـيـوم صـرنـا بهالـيـل=وكـلـن ذكـرنـا بالـعـلـوم المشـيـنـات
وشلون نسل الحـر يرضـى البهاذيـل=ومــن اول ٍجــدّه يجـيـب الـخـزيـزات
يـوم العصـور الماضيـه بالمحـاويـل=يــوم الفـعـول الطـيـبـه والـجـزيـلات
مـن فـوق صفـر ٍ قـادحـات ٍمعاجـيـل=وبايمانهم حدب السيـوف الرهيفـات
دور مـسـجّـل بالمفـاعـيـل تـسـجـيـل=واليـوم عنـد النـاس قـالـوا هــوالات
والوقـت هــذا الطـيـب يــم الزناقـيـل=الـمـال صيّـرهـم مـشـايـخ وســـادات
واهـل الـردى صـاروا حـرار قواتـيـل=والطيـب صـار اليـوم مالـه مكـانـات
شـفـت العـديـم مـذلـل الـيـوم تـذلـيـل=شرهـت عليـه اهـل الوجيـه الرديـات
اليـوم صـار الحـر يخـشـى البلابـيـل=يخاف مـن ضـرب الطيـور النغيـرات
والـذيـب صــار يذلّـلـه أزهــر الـذيـل=يقبـل علـيـه وثــم يقـفـي بضبـحـات
هـــذا زمـــان ٍغـاديــن بـــه تـراقـيـل=يلعـب بنـا لـعـب البـحـور الظليـمـات
نصبـر علـى الايـام دامـه بنـا الحـيـل=نرجـي ثــواب الله معـطـي العطـيـات
ويالله طلـبـتـك يـامـغـيـث المـقـالـيـل=يامنـزل ٍ بالـوحـي صــدق الديـانـات
انـت الولـي تحيـي الديـار المماحيـل=مـن ديـم هطـال الـمـزون الغـزيـرات
نطلبك عفوك عـن جميـع المحاصيـل=أنـت الـذي نرجيـك فـي كـل الاوقـات
وختامـهـا مخـتـوم بـالـذكـر تهـلـيـل=وصلوا على المختار راع الشفاعات
وسلامتكم ،،،،،،،،،،،،
فهد عبدالعزيز السبيعي العنزي
| توقيع : المسيكي |
|
[poem font="Arial,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كن سائراً في ذا الزمان بسيره=وعن الورى كن راهباّ في ديره
واغسل يديك من الزمان وأهله=واحذر مودتهم تنل من خيره
إني اطلعت فلم أجد لي صاحباً=أصحبه في الدهر ولا في غيره
فتركت أسفلهم لكثرة شره=وتركت اعلاهم لقلة خيره
[/poem] |
|
|
|
العرض العادي
