مالفائدة من وضع وحدات صحية شغلتها توزع فيفادول يبعونه في السوبرماكت
لقد ذهبت الى مسشتفى خاص ولقد رايت مايذهل العقل خدمه خمس انجوم
انا لي تجربة مع المستشفيات الحكومية وارجو من الله ثم من جريدة (........) ان تطرح معاناتي انا موظف حكومي وكل بعد اسبوع وانا ماسك طريق الرياض تقول ويش عندك
عندي ابي من مدينة حائل ويعاني من ضعف قلب وشرايين طبعاً تحتاج معالجة
قام المستشفى وعمل قصدره القصدره عملية سهله ليرو مكان الشرايين التي تحتاج علاج طبعاً عطوني حبوب يقولون هذا بكذا مبلغ بس قلت ان شالله بعدها والدي
سوف يعيش حياته الطبيعيه اخذت الوالد مسكت طريق حائل الرياض لكي يذهب الى اهله وعياله ان موظف في مدينة الدمام ورجعت اليوم الثاني ولما داومت
بعد يومين اتصلت الوالده ابوك تعبان بالقوه يتنفس وقالت من يوم جبته وهو تعبان بس مابغيت ابلغك علشان ماترجع بس صارت الحاله طارئه هذا كلام الوالده
قلت يامي هذا والدي لابد ان احرص عليه ثالث يوم من جيتي للدمام رجعت طريقي وين الى حائل وهذا كلها على السياره قلت يارب انك تيسرها بوجهي وصلت حائل طبعاً المسافه ماهي هين حوالي 1300 كيلو طبعاً الوالد ماهو بحائل نفسها لا بهجره تبعد عن حائل 160 كيلو وصلت هنا وجلست يوم اخذت ابي وقلت يالله يايبه مشينا مسكت طريق حائل الرياض وصلت المستشفى نسيت اقول اسم المستشفى هو مستشفى مجمع الملك فهد الطبي بالرياض قالو هالمستشفى افضل مستشفى في المملكه طبعاً القصدره الاوله والعلاج كان من هالمستشفى وصلت المستشفى طبعاً انا في حاله يرثالها طبعاً لازم تدخل الطواري بالاول قعد بالطواري يمكن خمس ساعات الحمدالله دخل الوالد غرفة الترقيد واشرفو عليه قعدت في الرياض يمكن عشر ايام وانا عند الوالد رفضوا ان اكون مرافق معاه قالو يمكن تصيبك فيروسات ومادري ايش المهم طبعاً انا نسيت اقول ان عندي اطفال وزوجه وين بالدمام وتقولين كيف تتركهم لحالهم انا عندي ولد عم وخال موجدوين بالنفس المدينه وماهم مقصرين معاهم
نرجع ويش صار خلال العشر الايام اللي في المستشفى قعدنا بس اكسجين والوالد يعاني من سكر ويقيسون السكر فيه ويعطونه حقن هالايام العشره انا موجود تحت انام واكل طبعا داخل المستشفى احلى شي عندهم المطعم بصراحه وكنت كل شوي اشقر على ابوي السكرتيه اللي تحت حسو بمعناتي ومقصرو كل نص ساعه اطلع فوق واشوف ابوي المهم هالعشر هالايام كلها اكسجين وابرة بنسولين طيب وقلت يادكتور وبعدين قال نبي نشوف القصدره مره ثانيه قلت طيب اخر شي جاني الدكتور قال ابوك مايتحمل العمليه قلت طيب ويش الحل نكثف لك العلاج وان شالله خير طيب اوكيه انا ماعرف بالحاجات الطبية قل ان شالله هالعلاج المكثف رايح ينفع
سوا الدكتور للوالد خروج الحمدالله على السلامه يايبه الدكتور يقول يابي يعطونك علاج مكثف وان شالله خير طلعت المستشفى رحت انا والوالد للمطعم تعشينا نبي نمشي لهلنا للهجره الا ورا حائل ب 160 كيلو متر مشينا نسيت اقول شي العلاج المكثف صرفته من الصيدليه يعطيني حق الصيدلية العلاج اشوف كأنه العلاج اللي اول اللي يقول انه غالي وحافظو عليه اوه ياولد العلاج نفس الشكل قلت يمكن نفس العليه لاكن يختلف المفعول الكيس اللي اخذته من الصيدلية مليان
كانك رايح محل تجاري وكيس كبير الكيس مليانه ابر وعلب انسولين والعلاج هالغالي طبعا مشينا من الرياض متجهين لحائل والعقال مائل وصلت هناك انا قعدت هناك يوم ورجعت طريقي للدمام تقولين ليه ماتروح طائره الطائره يبيلها حجز والحجز مو على كيفك وصلت الى عيالي وزوجتي وداومت ثالث يوم من جيتي ان شالله الوالد بخير والله اني بكل كلمة كتبتها اني صادق ماقعدت اسبوع الى الوالده تتصل علي والله العظيم والله العظيم طبعاً اتصاله جاي هالايام لا وعندي الان مشكلة العمل كل يوم وانا طالع يعني انا وانا اكتب هالكلام ابي امشي اتمنى اتمنى من وزارة الصحه ان تنظر في موظوعي هذا ولكم مني جزيل الشكر والعرفان
الكاتب فهد معزي