إهداء للشيخ / متعب بن مدبغ الكويكب الرويلي - °~*¤®§(§ شبـــكة ويــلان العـربـيـه §)§®¤*~ˆ°

**البندري العنزي** · 03/04/08, (05:42 PM)

إهداء للشيخ / متعب بن مدبغ الكويكب
________________________________________
حلفت ماأمدح غير وافين الاشبار
اللي لهم بالناس بيض الفعايل

يابو فهد ياعز من جاك محتار
وصكت عليه ظروفها والهوايل

يزبن عليك ويبشر بعز ومجار
كفك يذري عن لهوب القوايل

مواقفك يامتعب الطيب مدرار
وغيث ٍ نفع حضرانها والقبايل

ياشيخ قالوا عنك في نظم الاشعار
ومثلك فلا توفيه قيفان قايل

يالوافي المخلص للأسلام والدار
عملك يشهد والفعول الجزايل

خدمة مليكك باينه سر وإجهار
وأخلصت والاخلاص راس النفايل

بك خبروني شادوا بطيب الاذكار
وأنا اتنومس وأذكر عيال وايل

يابو فهد لك الهلاهيل تكرار
وفعلك مبين مايبي له دلايل

البندري العنزي

**نفاع العنزي** · 03/04/08, (06:19 PM)

البندري
هلا وغلا

شعر وشعور

ومدح بمن يستحق المدح

لي شرف المرور والتوقف هنا

**سعود المسعودي** · 04/04/08, (07:53 PM)

البندري
هلا وغلا

شعر وشعور

ومدح بمن يستحق المدح

**هندي المقبل** · 04/04/08, (11:17 PM)

اقتباس:

حلفت ماأمدح غير وافين الاشبار
اللي لهم بالناس بيض الفعايل

البندري صح لسانك وسلمتي على هذا المبداء النبيل الذي فقده الكثير من الشعراء

قصيده رائعه في شخص يستحق ماذكرتي واكثر

دمتي بود

**فهد الشافي** · 05/04/08, (12:26 AM)

البندري العنزي صح لسانك

قصيدة لشيخ يستاهل هذا واكثر

دمتي بود

**ماجد الغانم** · 05/04/08, (12:47 AM)

الأخت الفاضله

البندري العنزي
حياااك الله للمرة الثانيه بيننا

وياهلا ومرحبا

....
.
وصح لسااانك ..ولاهنت

قصيده وافيه وجزلة ..لله درك

ويستاااهل الممدوح ما قيل فيه ..بيض الله وجهك

ودمتي بكل خير

تقبلي تحيااااتي

**عبدالله الحجيلان** · 05/04/08, (01:14 AM)

البندري

قصيده تستحق والى من يستحق

صح قلبك