أسلوبك .. أخافه وأعيشه وأدرايه - °~*¤®§(§ شبـــكة ويــلان العـربـيـه §)§®¤*~ˆ°

**نفاع العنزي** · 27/03/08, (05:54 PM)

للشوق ولكم ..
.
.
.

أنا الغريب 00 اللي شقا باغترابه = وأن القريب .. اللي مضيع خطاويه
إن جيت أعيشك حب .. شفتك مهابة = وإن جيت أحسك طيش .. كثرت بلاويه
أصارحك ؟ عندي من الشوق .. لابة = فرسانها .. مشاعر الحب .. تتليه
وعندي سؤال .. وضامني في جوابه = هذا سؤالي ..كان تبغين خوذيه
سؤال .. وأبغي من حنانك إجابة = ليه الخفوق اللي بصدري خذيتيه ؟
ليه الخطا عندك بقمة صوابه ؟ = وليه الصواب اللي بدربي .. لعنتيه ؟
أحس في روحك من الحب ..غابة = أشجارها .. وأزهارها جت تغطيه
احساسك أحسه وأحبه وأهابه = وأسلوبك أخافه وأعيشه وأداريه !!
تجمعت فيك الثقة والدعابة = ودورتها بغيرك ولا شفتها ... ليه ؟
همسك ..ومنطوقك.. وكلك.. ذرابة = يعني جمال الكون كله .. جمعتيه
يعني خفوقي بين طيش وصبابة = خليه .. دامه هام .. بالشوق .. خليه
قربك مناه .. وهمس روحك عذابه = وبالحالتين .. أنتي.. بطيشك طعنتيه
عجزت لا افهملك .. غموض .. وغرابة = حتى مع عنادك تقولين لبيه
وعجزت ألاقي للتساؤل ..إجابة = إن جيتلك مناك .. تجين منيه

.
.

**عمر الأسمر البنتان** · 27/03/08, (08:25 PM)

صح لسانك أخوي نفاع

إبداع يانفاع

لاهنت على القصيدة المميزة

تقبل مروري

**الجوكر** · 27/03/08, (08:49 PM)

القدير نفاع

حتى احنا نبي نروح للقوقل وندور عنك
فأنت مبدع بكل حالاتك

قصيدة تجعمع فيها الأبداع والتميز والجزالة

وتقبل مروري

**ماجد الغانم** · 27/03/08, (09:50 PM)

الأخ العزيز
والشاعر القدير

نفاع العنزي

صح لساانك ...ولاهنت

قصيده كالعاده تحوي الأبداااع ..والحبك الشعري

لله درك ..ولافض فوك

سجل اعجابي بشخصك الكريم وأبدااعك المتوااصل

دمت بكل خير

تقبل تحيااااااتي

**سعود المسعودي** · 27/03/08, (10:48 PM)


	الأخ العزيز والشاعر القدير نفاع العنزي صح لساانك ...ولاهنت وتقبل مروري ودمت بكل خير

**ابو ياسر الهبداني** · 28/03/08, (12:01 AM)

صح السانك اخوي نفاع

**رابح الغضيان** · 28/03/08, (12:16 AM)

ياااااااسلام على الروعة

صح ألسانك وعلي شانك مبدع أخوي العزيز .نفاع.

تحياتي لك.