قصيدة (عبد بن هذال )موثقه 100%
--------------------------------------------------------------------------------
امس الضحى نطيت انا راس مزموم = تلعب به الارياح شــرق وشــــامي
نطــــــيت رجـــــم مارقــــــى راسه البوم =غير العقـــــــاب الصــــيرمي والقطامي
غديت مثل اللي على الوجه ملـــطوم = من عقب مروين النمش بالزحامي
اقــــفوا وخلـــوني علــــــــى الـــدار موســــوم = مثل الســـجين الــــلي بحبس الظلامي
ومـن طـاوع الثنــتين يصــــبر عــــلى الــــــلوم =يصبر على فرقى الاهل والعمامي
ماحـــــذا مـــــكــان البيــت والحـــــفر مثـــلوم = ومركى الدلال المتعبات الشوامي
زاعــــت جهــــامتهــــــم عــــــن الـــــواد ابو دوم = مســــتجنبين مطـــــــــيرات العسامي
اقــــفوا كمــــا طـــــــير قلـــب راســـه الحــــــــــوم = غربيــة ماينـــــــدرى ويــــن حــــامي
وخــــــــــــلاف ذا ياراكــــب فــــــــوق مـــــنسوم = يقطع فراريس الرسن والخطــــامي
تلــــفي لعــــمي ناقــــل الكـــــــــــبر والـــــزوم = شيــــــخ ولـــــد شيـــــخ يقــد الجهــامي
علــــى ركــــــــــــــــايا الــــرس تلقــــاه ملـــــزوم = على شعيـب الـداث يبـني الخيــــــامي
وان ســــايلك عــني فنــا الـــــــيوم مــــهـــمـــوم = من عقـبكم ياعـم صـابن هــيامي
000000000000000000000000000000000000000000000
القصيده كما رواها الاديب /منديل الفهيد
امس الضحى عديت في راس مزموم = تومـــــــي به الارياح شرق وشامي
ماكـــــــــــر حــــــــــرار ما يوكـــر بـــــه البوم = كود العقاب الصيرمي والقطامي
ابكـــي هـــلي ياناس مـاني بمـــــــــــليوم = واظن من يبكي هله مايلامي
ماهو على غـــروٍ مـــن الـــدق ماشــوم = على الشـــيوخ متـــيهين الجـــهـــــامي
من طـــاوع الثنـــتين يصـــبر على الـــلوم = يصبر على فرقا الاهل والعمامي
هـذي مـــــرابط خـيـــلهم دايـم الـــدوم = حقــب العيون مروبعات الهــــــوامي
يركـــب عليــهن بالـوغى كـل شــغموم = من ربعي اللي ماوطــوا بالمـــلامي
علـــمي بهم شــدوا من الواد ابو دوم = مســتجنبين مــــطــــيرات العســــــــامي
وخــــلاف ذا ياراكبٍ فوق منسوم = يقطع قراريس الرسن والخطامي
ملــفاك عمي ناقل الكبر والزوم = زيزوم قــوم كـالجــراد التهــــــــامي
ودو ســــلامي عـــد مافـــات من يوم = بكتاب مني يالوجيه الكرامي
بسـجلة صـفحه من الحـبر مرشـــــوم = لم العـــمام انهـــيت غــــاية كــــــلامي
لكم اشتكي من ضيم الايام مهموم = ومثلك لعين الي شكا له يحامي
00000000000000000000000000000000000000000
القصيده كما رواها الاديب/عبدالله الشمري
امس الضحى نطيت ان راس مزموم = تلعب به الارياح شرق وشامي
في راس عيــــطا ما يوكر بـــهـــا البــــوم = الا العقــــــاب الصيرمي والقطامي
ابكــــي هلي ياناس ماني بــمليوم = واظـــــن من يبكي هله مايلامي
ماهو على غرو من الدق ماسوم = عـــلى الشـــيوخ مســـنعين الجهـــــــــامي
هـــذي مرابط خيلــهم دايم الدوم = حقــب العـيون مروبعــات الهــــــوامي
علــــمي بهـــم كتـــو مـــع الـــواد ابو دوم = مســــتجنبــــين مــــطيرات العســـامي
وخــلاف ذا ياراكب فـــوق منـــسوم = يقطع تضاريس الرسن والخطامي
يلــفي لعمي ناقـــل الكـــبر والزوم = زيزوم جممــعٍ كالجـــراد التـهــــــــــامي
علــــى ركـــايا الـــرس والـداث ملزوم = اولاد وايل صــايرينٍ ركــــــامي
13/06/05, (12:26 AM)
عبد (( ابن هذال ))........!!!
العرض العادي
