أصالة ً عن مابدى في خفوقي - °~*¤®§(§ شبـــكة ويــلان العـربـيـه §)§®¤*~ˆ°

**زياد الشمري** · 24/02/08, (11:50 PM)

أصالة ً عن مابدى في خفوقي=ونيابة عن ماتخفى بالاعماق
ودي أبين يالغلا كل شوقي=بالخافق اللي هده الشوق واشتاق
ويصور المعنى بالابيات ذوقي=تصوير واضح مرضين كل الاذواق
لاراق تفكيري مزاجي يروقي=والمشكله اليا تكدر ولا راق
ولافيه شيي ٍ بالمعاني يعوقي=حتى الفصيح اصوره كيف مالاق
مهلا فإني قد بدعت الطروقي=لأدخل الأنس على البال ان ضاق
اني أعاني من مآسي خفوقي =واظهر جروحي على بيض الاوراق
معناته ان القاف لعيون شوقي=مماجرالي ماأبي طاري فراق
وياهيه قلبي من غرامك شفوقي=من ضيقته وقع مع الهم ميثاق
شمسي تخفت مابدى له شروقي=مليت من كثر انتظاري للاشراق
بينت لك حب جرى في عروقي=واللي تخفى يالغلا وسط الاعماق

**سالم صالح** · 25/02/08, (12:41 AM)

رائعة رائعة من رائع

زياد الشمري يكفيني شرف انني اول من صافح هذه الجميلة واول من تذوق معانيها واحاسيسها

رغم اني سمعتها منك سابقا ولكن كاني اسمعها لاول مرة وهذا من عذوبتها

ابداع وتجدد من الطراز العالي والنفيس

لله درك ومن اجمل الى اجمل

**خلف الغريب** · 25/02/08, (12:51 AM)

زياد الشمري ....

الف صح لسانك وبيض الله وجهك ...

جزلة من راس جزل ...

مزج للفصيح بالعامي في تناغم جميل ..

تحياتي لك ايها الرائع ...

**فهد الشافي** · 25/02/08, (01:08 AM)

زياد الشمري شاعرنا الرائع صح لسانك على هذه القصيدة الجزلة

اسلوبها جميل جدآ وطريقة نظمك للقصيدة ابدعت به

نحن وبشغف ننتظر جديدك

فائق تحياتي

**رابح الغضيان** · 25/02/08, (12:52 PM)

أخوي..الشاعر زيادالشمري.

صح السانك على هذه القصيدة الجزلة ولاهي غريبه عليك الجزالة.

صح السانك مره وألف مره.....

تحياتي لك..

**سعود المسعودي** · 25/02/08, (05:41 PM)

زياد الشمري ....

الف صح لسانك وبيض الله وجهك ...

جزلة من راس جزل

ولاهي غريبه الجزاله عليكم انتم اهلها بالشعر وغيره

وتقبل مروري

ودمت بكل خير

**سامي السيف** · 25/02/08, (05:52 PM)

اسلوب رائع
موسيقى عذبه
تركيب جميل
عبارات فصيحه
صح لسانك

اخوك سامي السيف