قصيدة (الخمسين) للشاعر غازي بن عون

[مسفرالدوسري]

يالعين صيري دايم الدوم تبكين = على مدار أربع وعشرين ساعه
أرثي لعمرٍ فات وانعيه يالعين = وابكي على ما فاتنا من ُطماعه
اليوم كمّلتي من العمر خمسين = تلعبّك اوهام الغرور ومتاعه
يا ما خدعنا الوقت بالمظهر الزين = واليوم يا عيني عرفنا خداعه
ما ندري إن الوقت لُه باطنٍ شين = الاّ بعد ما قام يسقط قناعه
وإن ما انتهزنا تالي العمر فالدين = والاّ خسرنا ما لنا من بضاعه
باقي العمر في علم رب الثقلين = تماكني تاليه قبل انقشاعه
مع هجعة اوباش الملا لا تهجعين = احيي الدجا ذكر وتوسل وطاعه
اليا بقا ثلثٍ ومضى منه ثلثين = وقتٍ يربّح باذرين الزراعه
لا ناموا اللي فالملذات لاهين = تضرعي لله باكف الضراعه
ويا الاذن في قول الخنا لا توحّين = والذكر والنصح انصتي لاستماعه
اليا استمعتي للذكر والصحيحين = يصير عندك ضد غيره مناعه
ويا الرجل لوحيتي الندا لا توانين = اليا دعا داعي صلاة الجماعه
ويا النفس مع درب الهوى لاتميلين = بيعيه مثل اللي زهد به وباعه
الخمسة الاركان لازم تلبين = بتوحيد واخلاص ويقين وقناعه
عسى بتالِ العمر ثقل الموازين = كود يتعوّض ما مضى من ضياعه
سالين كنا دايم الدوم حيين = ولا دامت الدنيا لراع الشفاعه
والأنبيا والأوليا والسلاطين = واهل المروة والكرم والشجاعه
العبد مهما عمّر أحقاب وسنين = له ساعةٍ فيها يطوّى شراعه
يرحل وخلانه وربعه مقيمين = وتصير فرقا الشمل بعد اجتماعه
وصلوا على المبعوث جد الحسنين = ما نبت من نبتٍ وما ازهر طلاعه

[بنت العبيّه]

اللـــهــم صـــلي وســـلـــم عــلى اشـــرف الأنبيـــاءوالــمـرســـليــن...


الفــاضـــل...................................... مســفــرالـــدوســري


ســـلمــت يميـــنك عـــلى هــاالنـــقــــل وصـــح لســـان شـــاعــــرهـــا...

[مسفرالدوسري]

الفــاضـــله...................................... بنت العبية


ســـلمــتِ عـــلى المرور

[فهد الشافي]

احسنت ثم احسنت بنقلك لهذه القصيدة

الجزلة للشاعر غازي بن عون

وفقك الله

تحياتي

[ابوالهيثم]

لا هنت ويعطيك وصح لسانك ولسان قايلها

[سعود المسعودي]

ســـلمــت يميـــنك عـــلى هــاالنـــقــــل وصـــح لســـان شـــاعــــرهـــا...

[مزيد المزيد]

سلمت يمينك وجزاك الله كل خير على النقل المميز وصح لسان شاعرها

دمت بكل خير