قصيدة الشاعر / مدغم ابوشيبه اثناء خروجه من مسابقة شاعر المليون - °~*¤®§(§ شبـــكة ويــلان العـربـيـه §)§®¤*~ˆ°

**سعود العواجي** · 12/12/07, (06:25 PM)

قصيده للشاعر المبدع / مدغم ابو شيبه اثناء خروجه من تصفيات شاعر المليون ويتضح من قصيدته تعرضه للظلم في المسابقه وتفضيل من هم اقل منه مستوى .. وبما لاشك فيه بان مدغم شاعر مبدع وجميعنا كنا نتوقع تأهله حسب ماقرأنا وسمعنا بااخبار مؤكده لدخوله ضمن قائمة 48

ياقصيدي وانت حملك مثل حمل السلاح=من صناعات الفض النزاع مطوره
خلق وجهك من حجا ضلع واشراقة صباح=دم تجمد في وريده ودم تفوره
من خلالك لي على الكون منفذ وانفتاح=ارسم احلامي على واقعه واصوره
الحصون اللي عليها منصات الكفاح=انشد اكبرهم من اللي بناه وسوره
سقت ذودك للمفالي وقاد من المراح=واعترض في دربها نابحه ومخوره
النجاح يشيل جرحه من اعداء النجاح=والمثاليه تعاني من المتهوره
والفتاوي تختلف شي حرام وشي مباح=وشي لو تقنع به العقل مايتصوره
نستمع لله اكبر وحي للفلاح=المساجد عامره والقلوب منوره
وندري ان ماكل مذن بلال بن رباح=لو يقول الشمس حمره والارض مدوره
المهول لو خدعنا وخذنا بالصياح=واشتكى من رجله اللي مهيب تعوره
حيلة ما تمشى الا على الناس الصحاح=احبكتها عالم مهوله ومجوره
والطيور اللي تهاوى بمخلاب وجناح=لا تعشى صيدها واحد مادوره
مايحصل راحة البال واطلاق السراح=من تورطله بخمسة صكوك مزوره
فرد حمزه حسب تقرير دايرة السلاح=فيه واحد غير حمزه هو اللي ثوره

**صالح الجطيلي** · 12/12/07, (07:50 PM)

مايحصل راحة البـال واطـلاق السـراح***من تورطلـه بخمسـة صكـوك مـزوره

صح لسان مدغم عزالله جابها ابوشيبه

سعود لاهنت على تقديمك ما ابحث عنه

دمت بود

**سعوط المجانين** · 13/12/07, (03:27 AM)

كنت اراهن على الشاعر مدغم ابو شيبه للمنافسة وبقوه على اللقب لما يمتلكه من شاعريه فذه ولكن تخبطات اللجنه قد تكون حالت دون

ذلك ,, الغريب فالامر ان شعراء اقل من مستوى مدغم بكثير ودخلو ضمن الـ48 ؟؟ وانا اعتبره من وجهة نظري من افضل ثلاث شعراء شاركوا بالتصفيات

وهو معروف بجزالة وقوة شعره ولكن يبقى الناجح محارب وفعلا البرنامج افتقد لهامه شعريه بحجم مدغم الذي لايوصف اعجابي بشاعريته الفذه ..

صح لسانه ولاهان

ولاهنت ياسعود على النقل المميز

**خلف الغريب** · 15/12/07, (12:02 AM)

خروج غريب ولجنة تحكيم اغرب .....

اذا خرج مدغم ابو شيبة فاعلم ان اللجنة ذات اهواء شخصية بحتة وليست خالصة لخدمة الشعر ...

مهما حصل فمكانة مدغم الشعرية لن تهتز في عيون جمهوره
وهو اقوى بهذا الخروج والظلم الواضح
فمعنى خروجه هو ابعاده عن اللقب بأي طريقة لكونه ممن سينافس على حمل البيرق بقوة ..

شكرا للنقل اخوي سعود

**ابوالهيثم** · 23/12/07, (04:48 AM)

الاخ العزيز سعود العواجي

الله لا يهينك على النقل الرائع
صح لسانك ...ولاهنت ولسان الشاعر مدغم ابو شيبه
تقبل خالص تحيااااااااتي
اخوك عياد النومسي (ابوالهيثم)

**فهد الشافي** · 23/12/07, (02:53 PM)

...المهول لو خدعنا وخذنا بالصياح...........واشتكى من رجله اللي مهيب تعوره

...مدغم ابو شيبة عبر عن آهاته بهذه القصيدة...فهو الظلم بأم عينه...ابوشيبة لايختلف عليه اثنان

..وطلاقة شعره المتميزة هو عبر وآخرون ماذا يفعلون تجاه الظلم التحكيمي من قبل اللجنة؟

..اعتقد ان شاعر المليون في هذه السنة موضوع من قبل ولكن لترويج البرنامج يواصلون تقييم الشعراء بهدف المادة لاغير..وشاعرهم عندهم يتهنوا به..

..المشرف الرائع سعود العواجي مشكور على النقل المعبر

تحياتي

**سعود المسعودي** · 28/12/07, (04:37 PM)

..المشرف الرائع سعود العواجي مشكور على النقل المعبر