ما انتي مثل( نوت ) وانا ماني ( عقاب )...

[خلف الغريب]

تقبلوا متواضعتي ...

ما عاد باقـي لـك مشاريـه وعتـاب=مـا دام بالعشـرة عتـاب ومشاريـه
( ان كان هذي فعلة احبـاب باحبـاب=ما عاد باقـي للعـدو مـا يسويـه )
ما ارضى بعيش الحب في شرعة الغاب=الله ولا عشـق جـلـب ذل راعـيـه
شمس الغلا غابت ! وبدر الغلا غاب !=يعنـي نهـار الحـب يشبـه لياليـه!!
اول اقول: الهجـر عـادة للاصحـاب=لو ما يجينـي تالـي اليـوم لا اجيـه
اخفض جناح الوصل من باب الاعجـاب=ويخطي واعاتب مـن يحـاول يخطٌيـه
واقول : يا ما احلا خطا تلـع الارقـاب=واعد سيـات الغضـي مـن حسانيـه
لكن صحيت وكل غلطة لهـا حسـاب=( بعض العرب لا تمونه تبتلش فيـه )
يحسب سكوتي ذل واعجابـي ارهـاب=فاهم غلط و( العقل من حظ راعيـه )
وش جاب لين الحب للذل؟ وش جـاب؟=صحيح (كل إناء ينضح بمـا فيـه )!!
روحي بدربك جعلـه ورود واعشـاب=وانا طريقـي جعـل الازهـار تكسيـه
( لا انتي مثل نوت .. وانا ماني عقاب )=كلن عسـى الله فـي طريقـه يهنيـه
لو ما بقا فـي كوكـب الارض جـذاب=بدري عليك انكـس الـراس واحنيـه
عزي ومقداري وراسـي وانـا شـاب=حتم علـي مـن المـذلات لا احميـه
طبع مـن الله , لا تطبـع ولا اكـذاب=( والسيل ماله غير سابـق مجاريـه )

وسلامة قلوبكم يا بعد راسي

[سالم صالح]

الشاعر /خلف الغريب

صح السانك وعلا شانك

رائعة من رائع ----ابدعت وارتقيت بها الى العلا

الله يعطيك العافية على هذه الجميلة

[سعود المسعودي]

الله يعطيك العافية


على هذه الجميلة

[ماجد الغانم]

الأخ العزيز

والشاعر الرااائع

خلف الغريب


صح لسانك ...ولاهنت

على هذه القصيدةالراائعه والجزلة بحق

لله درك ولافض فوك ...

و
بيض الله وجهك

...
.
.
دمت بكل خير

[عبدالله الحجيلان]

الأخ العزيز

والشاعر الرااائع

خلف الغريب





فعلآ
صح لسانك ...ولاهنت




رائعه كروعتك



تقبل ودي

[هندي المقبل]

الشاعر المميز

خلف الغريب

قصيده رائعه وهذا غير مستغرب عليك

لن اشيد بقصيدتك بل اسجل اعجابي

دمت بود

[سعوط المجانين]

صح لسانك ولاهنت وكعادتك مبدع ولاتجيب سوى الجزل

تقديري الجـم

...