قصيدة / رد على من سأل ليش عنزة مالهم مزاين ( الأطرق آل هذال )

[أبو رائد]

الســلام عليكم ورحمة الله وبركاته

وصلتني هذه القصيدة .. وهي رد لكل من يسأل

لماذا قبيلة عنزة ما تسوي مزاين مثل بقية القبائل

والقصيدة للشاعر / الاطرق آل هذال

ياصاحبي كنّا ونبقى حلاحيل=للمجد نرقى فوق قمّة جبلها
افهم عدل لاتأول الوضع تأويل=والكلمه العوجا من المزح شلها
يومنها بالسيف والرمح والخيل=نملك مزايين الأبل مع فحلها
نغير في وسط الضحى واوسط الليل=ونجيبها غصبٍ عن خشوم أهلها
ويلان حنا فعلنا له دواليل=نردم على كبد المعادي عللها
وان زغردت ام الرموش المظاليل=وقامت تناظر كيف ردّة فعلها
نشوش من زود السطر كالمهابيل=والموت احلا عندنا من عسلها
متوارثين المجد جيلٍ ورى جيل=فتخين الأيدي كاسبينن نفلها
ويلان حنا أهل الكرم والمعاميل=عاداتنا ماغيّرتها فللها
لضيوفنا نذبح من السمّن الحيل=وقصيرنا ماراح يشكي مللها
والحمد لله يوم صارت تساهيل=جاها السديد بدين ربي شملها
يكفي يمثلنا من النفس حلحيل=مشعل أخو نوره بجوده كفلها
مادام صارت بالذهب والتهاويل=واحيت علينا عنصرية جهلها
ماعاد نبغى من وراها محاصيل=وقلوبنا للخير ربي عدلها
نعطي الفقير اللي شكى العوز والويل=وام اليتامـا بذلنا قــد وصلها
وضعيفنا نرفى خماله عن الميل=اخير من دفع الفلوس بجملها
ونذلل ظروف المساجين تذليل=ونعتق رقابٍ دافع الله أجلها
ياصاحبي نقدر وفينا لها حيل=ونملك ملايين الفلوس وهللها
واذا رغبنا بالليالي المقابيل=تشوف ويلان السعد وش عملها
قلته وانا ماودّي القال والقيل=حسبي على اللي حيييل كبدي دبلها

[أبو غرام]

حسبي على اللي حيل كبدي دبلها



اشهد بالله انه رد موجع ووافي وبالصميم

من شاعر متمكن متمرس وبالفعل مندبلة كبده


سلمت اخي وسلمت انامل نقلت لنا هذه الرائعه

فشكرا لك والشكر موصول لصاحب القصيده

اخوك ابو غرام

[ابوالهيثم]

صح السانك واحسنت كماقال الشاعر مطلق النومسي



لكن ترى ماقال راكـان مخبـوووور
( الهرج يكفي صامله عن كثيـره )
ياثور يابن الثـور ياربايـة الثـوور
اترك بني وايـل .. ورح للحضيـره

[سعود المسعودي]

سلمت اخي وسلمت انامل نقلت لنا هذه الرائعه

فشكرا لك والشكر موصول لصاحب القصيده

[سعوط المجانين]

عليكم السلام ورحمة الله وبركاته

بيض الله وجهك على النقل وصح لسان الشاعر \ الاطرق آل هذال ولاهان

تقديري الجـم

...

[أبو رائد]

سلمتم على مروركم ..

والله يعطيكم العافية ..

[خلف الغريب]

شكرا اخوي الكريم على هالنقل المميز...

وقصيدة في الصميم وعنزة غنية عن بعض الأمور التي لاتسمن ولا تغني من جوع ....

والاطرق صديق عزيز وشاعر متمكن الله يبارك فيه ....