ابــــن رشـــــــــــــدان
^
^
^
^
^
^
============================
قصة وأبيات من قصص الفارس عايض بن فالح بن رشدان شيخ قبيلة الفضيل (المريحم والقراوعه والهبادين) من الجعافرة من ولد سليمان
من ضنا عبيد من عنزه.
.
نزل الفارس عايض بن رشدان وقليل من جماعته في النفود الكبير جنوب غرب حايل فاغار عليهم قوم من احد القبايل وأخذوا إبلهم فلحق بهم ابن رشدان وجماعته و بعد معركة شديدة أصيب بها ثمانية أشخاص من الجعافرة وكان عددهم عشرة ولم يبقى سوى الفارسين عايض الرشدان والفارس حمدان بن حجاب بن دغيم وقد استمات الفارسان حتى تم لهما النصر فقد كان ابن حجاب يرد القوم على ابن رشدان وابن رشدان يثب عليهم كالأسد هكذا حتى قتل منهم العدد الكبير وهرب من هرب من القوم الغازين وهكذا استطاع ابن رشدان وابن حجاب رد الابل ومن شدت القتال وكثرة القتلا كان سيف الشيخ عايض مليء بدم فلم يقدر على فك يده من السيف وذلك لان الدماء متجمده عليها ! فغسل يده بالماء الحار فسقط السيف من يده .
وبعد يوم من المعركة وجد رجل من قوم ابن رشدان وأسمه ابن سابق رجل من الغزو جريح يقال له احمد ابو درداء فأحسن علية حيث أنقذه ويقال انه لاتزال هذا الحسنه بين ذرية الرجلين قائمة وقد تمثل الفارس عايض بأبيات يصف هذه الموقعة:
غاروا علينا والصبح مابان=قبل يبين النور والجمع زامي
جونا هل العادات طلقين الإيمان =فريس بالقوات تبي الجهامي
هاشوا وهشنا واللغا بيننا شان=وكثرة عزاوى القوم عند الزحامي
واهديت عمري دون زينات الألبان=هنف الخشوم ونابيات السنامي
الشاهد الله يوم روغات الاذهان=أرويت عطشان السيوف الظوامي
كم راس شيخ طار من فوق الامتان=خلي عشا للذيب عجل الولامي
وكم خير زحناه من ضربت الزان=حده شطير وساطي بالعظامي
لعيون شقح ربعن بأرض عرنان=نكسر عزاوي القوم والحظ قامي
ويوم زحمونا القوم نعم بحمدان=في ساعة يشيب منها الغلامي
ماقول انا هرج عل غير برهان =وعلامة الأفعال تثبت كلامي
وصلاة ربي عد هتاف الأمزان=على شفيع الخلق سيد الأنامي
وفي هذه القصيدة يبين الشيخ وقت الغاره وأن القوم هم من اغاروا عليهم
الى ان يقول واهديت عمري !!! وأهداء الروح دائماًً لشي غالي جداً وليس في ذلك الوقت اغلا من الابل !!!
الشيخ سعد بن عايض بن فالح بن فريح الرشدان رحمه الله المتوفي سنه 1383هـ وهو احد مشائخ قبيلة الفضيل من الجعافرة من ولد سليمان من ضنا عبيد من عنزه ووالده الفارس الشجاع عايض المذكور سابقاً. رحمهم الله أجمعين.
كان الشيخ سعد رجلاً كريما وشجاع وكانوا التجار في ذلك الوقت إذا أردوا أن يبيعوا سلعهم بسرعة دون عناء يتوجهون إلى الشيخ سعد ابن رشدان لأنه كان يشري من التجار كل شي يحتاجونه قومه ولا بخل عليهم ويجود بنفسه لهم رحمه الله كان شيخ قوم بحق .
وكان أيضا يعرف طعم القهوة إذا داخلها أي شيء، وهو يتمتع بجميع الخصائص التي يتمتع بها ابن ضويهر رحمه الله في معرفه القهوة وزاد عليها انه كان يعرف إذا الرجل الذي أصلح القهوة على جنابة أم لا .
ويقول الشيخ سعد بن عايض الرشدان :
نطيت انا في نابيات المشاريف =معمردن من نايفات المراقيب
وطالعت بالدربيل جيش مناكيف=ومن الخرايم غاديات جناديب
وحولت يم البيت زعلان ومعيف=الكبر عدا وحط حامي اللواهيب
وسويت فنجال وحفته على الكيف=وابدى لهم زين النبا والتراحيب
يالله كان ماعمرنا نكره الضيف=يسر قراهم يا وسيع المطاليب
العبد مابيديه حكمه وتصريف=الحكم للي يعلم السر والغيب
تيسر من دون شطه وتكليف=ولفا القرا معهم على شمخ النيب
وصلاة ربي عد نبت الشفاشيف=على رسول رتب الدين ترتيب
ومن القصائد التي قيلت في الشيخ سعد هذه القصيدة الهجينيه التي قالها الشاعر تركي بن شامخ :
ياسعود لاتطرى النوده=تكثر عليك الهواجيسي
الياما تجي بيت ابو عوده = سعد زبون المحابيسي
القرم مايداني الزوده=ولا عقبوه الهلابيسي
حلال عقد هذا كوده=ويبرى لهود مراميسي
والطيب شفته ومقصوده=ضاري لكسب النواميسي
هداج لو كثرة اوروده=يروي كبود ميابيسي
وقال الشاعر الجميشي هجينيه يقصد بها الشيخ سعد :
المدح يزها لابن رشدان=وان قطبوهن بالارساني
افطن لذكره مع العربان = كان انت بالطيب بحلاني
له ربعه تشبع الجيعان =ويذبح مع الحيل خرفاني
وقال الشاعر سويلم الحنيني الحربي يمدح الشيخ سعد
ياعيال ياللي على الزرفات= يم اخو مزنه تنصنله
نجره ينادي عل الشطات =ولازم راعي الكيف يفطن له
ترى سعد يذبح الجزلات=ويضفي على التيس عتق له
يعجب راعي الكبش بالسومات=ويفرح الى شاف ربع له
لو ان بيته ورا الابيات= يمينكم يم بيتله
وهذه ايضاً ابيات لفتاه تثني على الشيخ سعد
هذا اخو مزنه ملافي الجيش=لاجو هجافي ايتعدن له
ذباح كبش وفوقه عيش =ومعه فنجال وتعلله
وتحوفه اللي نباها اتعيش=عسى الليالي اتمهله
بنت ابن يحيا ماهي تقشيش=ابوها مضت افعول له
ابوها يطبح بتالي الجيش= وايكثر الهيل بالدله
وهذاه قصيده قالها الشاعر يحيا بن خليفة بن رشدان يذكر فيها شيوخ وفرسان وهي كانت موجهه لشاعر عبدالله بن عبار .
عايض أخو مبلش كيف أنت تنساه= الـفـارس المـغـوار ستـر القصيـره
عايض بن رشدان سوه على اعداه= شيخ الفـضيـل وناطحيـن المغـيـره
عايض راعي الحيزا جزيله عطاياه= ريف القصير وعـد جـاره خشيـره
وغصاب ابن رشـدان فعـلـه بيمنـاه= مـع الشجـاعـة والحـبـابـة بصيـره
غصاب أخـو مهـرة ربوعـه تـمنـاه= فـي موقـف مـا فـيـه ينـدب بغـيـره
ورشيـد بـن رشـدان يطعـن بشلفـاه= سمي جنـازة يـوم صارت جـريـره
صـارت جـريـره بـيــن ذولا وذولاه= لولا أخو مهرة كان صارت كسيره
وخلـف زبـون الحـرد يـوم الملاقـاه= خلـف أخـو مزنـة فعـولـه عسيـره
ومعتق أبن رشدان والمـدح يزهـاه= ضـد العنيـد أن كـان نفسه شريـره
ومطلـق بـن رشـدان يـوم المـثـاراه= أخـو هـيـا بالكـون نـفسـه جـديـره
وسـعـد ابـن رشـدان لـلـضـد مــاذاه= عـلى المعادي لـه مواقـف ضريره
وفرحان بن رشـدان عـزٍ لمـن جـاه= زبـن الدخيل أن كان عميت مطيره
وسـلامـة الـرشـدان نـعـم بـطـريــاه= أخـو هـيـا لا صـار بـالـنـزل ذيــره
وعـواد ابن رشدان وصفـه وحليـاه= مثـل الجمـل لا هاج تسمع هـديـره
وصلف يحوش البيض مابه مراواه= تـرفـع لـه الـرايـات فـي كـل ديـره
وعقيـل ابن رشـدان لا جيـت تنخـاه= ثـم أعـتلا من فـوق حمـرا ضهيره
هـــده ورده والـفـعــايــل امـسـمــاه= نـاقـل خـويـه يـوم صـار بجـبـيـره
ونهـار هـو وحمود مثـلـه وشـرواه= لهـم عـلى الطـولات ميـزه وغيـره
وعوض ابن رشدان يعرف بذكـراه= يـبـيـن بالـمعـروف فـي كـل سيـره
المراجع:
من قطوف الأزهار
وسوالف الشيبان
20/11/07, (12:44 AM)
ابن رشــــــــــــــدان تاريخ وقصص وكرم وشجاعه
العرض العادي
