الله من قلبا من الوقت شاقي

[عبدالمحسن الجلوي]

الله من قلبا بهالوقت شاقي = عيت مقادير الزمن لا تصافيه
ماينتهي حزني بقت له بواقي = اسهر ليا نامت عيون المداليه
أبرمت مع حلو السنين اتفاقي = والوقت ينقض كل عهده ويمحيه
الصبر يورث بالكبود الفتاقي = صبرت لين الصبر شالت عراويه
حط الغراب اللي بصوته نعاقي = وطار الحمام أسراب عني وأنا أدعيه
لا الوقت منصفني ولا العمر باقي = العمر ثوبا لازم الدهر يطويه
ياطول دربي يوم انا اتعبت ساقي = مثل الذي يطرد سراب المهاميه
كني سجينا في يديه الوثاقي = يرسف حديده يوم يسحب خطاويه
متهوم ظلم ولفقوا له لفاقي = وهو بري من كل ماسولفوا فيه
خلوه ربعه ماسعوا بالعتاقي = وهو وحيد أمه وهي بس تبكيه
تقطع على شانه بعيد الطراقي = ولا لقت من يطلعه من بني خيه
يوم شافته وسط المحاكم يساقي = طاحت وماتت قدم وجهه وعينيه
وقام وحضنها واعتنقها اعتناقي = يحب رجليها ويصفق بكفيه
حالي مثل حاله شربنا دهاقي = كاس الزمان اللي بلنا لياليه
ودوني اخواني لنافث وراقي = وقرا علي وقال يارب تشفيه
قلت الشفا ياشيخ يوم التلاقي = الله يرجع كل غالي لغاليه

[نايف هويدي العواجي]

صــح لســانك واعتــلى شــانك
قصـيده رائعه من شاعر مبدع
قلت الشفا يا شيخ يوم التلقي..الله يرجع كل غالي لغاليه
وانا اقول بعد معك الله يرجع كل غالي لغاليه
ولك خــالص تحيـــاتي

[سالم صالح]

عبدالمحسن الجلوي


شاعر رااااائع وراقي


وصح الساانك على هذة الفاتنة والتي اتت بانسيابية مميزة وشاعرية باذخة


لله درك على هذ الجمال لقد امتعتنا


تقبل تقديري لك

[مزيد المزيد]

الاخ عبدالمحسن

قصيده رائعه تستحق القراااءه ومعاني اروع

ياطول دربي يوم انا اتعبت ساقـي // مثل الذي يطرد سـراب المهاميـه
كني سجينـا فـي يديـه الوثاقـي // يرسف حديده يوم يسحب خطاويـه
متهـوم ظلـم ولفقـوا لـه لفاقـي// وهو بري من كل ماسولفـوا فيـه



صح لسانك وسلمت يمينك

دمت بخير

[حمد الخمعلي]

الاخ عبدالمحسن الجلوي

صح لسانك وسلمت0

لا الوقت منصفني ولا العمر باقـي

العمر ثوبـا لازم الدهـر يطويـه

نعم العمر لابد ماينطوي مهما طااال0

بيت جزل0

كن بخير

[محمد بن موسى]

عبدالمحسن الجلوي

صح السانك مدد بلا عدد

قصيدة رائعة بروعة شاعرها
ابيات تأخذنا الى الافق البعيد لنسافر مع احداث القصيدة بكل تفاصيلها
لله درك على هالنص الشامخ الذي اتحفتنا فيه


كن بخير

[سالم العنزي]

درر صيغت بحروف شعريه من شاعر لاينطق الا درر

صح لسانك ياعبدالمحسن الجلوي