(( مشب اخو شاهه....!!

[صالح العرجان]

البيداء


وافيه يا بنت الاجواد ولا تجين بقصور


حياك

[صالح العرجان]

اليوم شدني موضوع


لخوي ماضي الصبر منزله بمنتدى الشعر وهو قصيده للشاعر عدوان الهربيد ؟!

،،،،


عدوان بن راشد الهربيد من السويد من سنجاره من شمر
غلب طابع الحكمه على اغلب قصائده كذلك اشتهر عن عدوان انه فقير ماديا
وورد هالشي بقصائده من ضمنه قصيدته اللي يتمنى به معاميل القهوه وكذلك قصيدته اللي
يتمنى به لو يملك ابل وغيره


،،




وراح اذكر لكم بعض قصايده لانه تستاهل اللي يتناقلها ويعطر بها مجلسه ؟!


،،،


هذي قصيده له يتذكر بها اهله واخوانه ؟!


يـادار يـادار ربينـا بـك العـام
بين الحجر يادار واشراف ضاحـي

يادار مابك من هلك جـرة اقـدام
والمـال مالـه جـرة بالمراحـي

بس الثلاث اللي تقول روس خدام
وارض تصفق به نشيط الرياحـي

ياجريس يامشكاي واطيرنا حـام
برخون شينـات الليـال اللقاحـي

حطن بنا قيد وهواجيـر وخـزام
ياجريس واسقنا مـرار الملاحـي

حظ ربض لو قامت السمر ماقـام
وباب عصانـا بقلـة الانفتاحـي

يا قـد قلبـي قـد أزرق الخـام
أو قد غرب من شفا البير طاحـي

على الرجال اللي مشو لي بالاخدام
راحو كما برق بالامطـار لاحـي





يتبع .....

[صالح العرجان]

وهذي قالها بجريس بناخيه

يومنه كبر ما بره ولا عامله بحسان مثل مهو متوقع ؟!

،،،،






ياجريس يامشكاي شاكن واشكيـك
اشوفها من يم الاصحـاب ضاقـه

ياجريس أخذت أمك على شان تاليك
ما معجبن زينه ولا هـي عشاقـه

عمك ولو بي تنشده كـان ينبيـك
وش حق من رباك طفـل حواقـه

ياما علـى متنـي تعقبـت بيديـك
تنقل كمـا تنقـل خطـاة العلاقـه

ويامـا بعـدلات الشبايـا نعشيـك
واعطيك مع زود الخزيـزة لحاقـه

لما الذي بدقون ربعك ظهـر فيـك
وأظن فـي نيـت اللحـى افتراقـه

واليوم اشوفك يوم كبرت علابيـك
جمعت مع خبـث الطبايـع نزاقـه

ياصار بالدنيـا صديقـك مجافيـك
ما من ورى عوج النصايب صداقه

ياجريس مالي بالادانـي واقاصيـك
لأهل فوقـي محـزم مـن دقاقـه

سبع العود ياجريس خلـن اخليـك
ياجريس ما بعيال الاخـوان فاقـه

تيس يحطـه وال الاقـدار بيديـك
أحلى من الشرشوح عند الرفاقـه



يتبع.......

[صالح العرجان]

وهذي القصيدة قالها يوم توجهوا

شمال مبعدين عن حايل ؟!


،،،،



زحنا من الغوطه شمـال بتغريـب
وصارت لنا عن سوق حايل مناحي

التتن قـل وضيعـوه الشواريـب
ورحنا لابو عوينان مثل الطياحـي

مودع عصيف الشاوري كنه السيب
وبريتن ريحه على النـار فاحـي

ماكنه الا العيلمـي مـارد النيـب
ياقلن الامواح هـن والضحاحـي

نتلي مضاعن نيبنا شمـخ النيـب
جـل البكـار ملطفـات الطياحـي

ربع بنا عسـاف درب النواهيـب
عشبن يغذيه الغشيـن الرواحـي

ياما قطعنا من طـوال العراقيـب
وياما نزوح الصيـد باالارتماحـي

وياما اعتلينـا نايفـات المراقيـب
وياما ارتعن بادنى االدحيلا اللقاحي

يامـا صبرنـا بنحـور الاجانيـب
يـوم كـل بالامـان استـراحـي

لعيون غضات البنـات الرعابيـب
تسعين ليلـه مارمينـا السلاحـي

بديار بن يكلـب وكـلاب وكليـب
بين البيات ومحتريـن الصباحـي

وبشرقي مكيحل رعينـا لغابيـب
فرسن تهزع بالخبوب السماحـي

ياخو شقا شف الاناثـي مغاريـب
زل الربيع وزل وقـت الصلاحـي

وديارنا من دونهـا يتلـف الذيـب
قولولونـدات الحريـم الرواحـي

دنو لنا العتلات هـن والمصاليـب
مثل الصدير من المقور القراحـي




يتبع ....ز

[صالح العرجان]

وله هالقصيده يوم خاوا الرمال من شمر وكانوا الرمال اغلب حلالهم ابل ماعدا عدوان اللي حلاله
غنم والمعروف ان فيه اختلاف بين راعي الابل والغنم من ناحية المسيره ومن ناحية النزل والرحيل
فكانوا نوب يتاخرون عليه فقال هالقصيده يلوم نفسه انه خاوا هل الابل وهو راعي غنم
يقول :



،،،،،،

عزي لمن مثل احكي له واطاعـي
من تاه بصره ضاع واخطته الابصار

وقعت انا بالضيق عقب الوساعـي
وعدي عن الدرب المسانع بتحيـار

قمنا نجل الحـص مثـل الوداعـي
قرايـف مابيـن حايـل ومصفـار

من شافنا عند العرب قـال راعـي
ومن شافنا قفو العرب قال خطـار

نتلـي مدلـه ناقتـه والمتـاعـي
ربع يدورون المغـازي والاسفـار

اهل الشـداد ملافظيـن القطاعـي
كم راس طعسن زولو فيه الاشجار

غفيلات يطوون الفجوج الوساعـي
مرباعهم عشب الخطايط بالاقفـار

يطنون راع الضـان بالانقطاعـي
ويرضون بعصير النزل كل صقـار

وانا ياجـا الليـل بـس الدواعـي
داع ورا داع ونــار ورا نـــار

ياجريس عن درب العرب بانهزاعي
ماظنتي رافق هـل القـود حمّـار

حيرانهم تشـدى فحيـد الضباعـي
فتخن تلاعب بين ملحـق وقهـار

مواطيه تشـدى بطـون الافاعـي
خلفاتهن مابيـن مصغـر ومبـدار

يامـا تدالـو نازحـات المراعـي
حلالهم ياجريـس حثـات الاوبـار




يتبع ......

[صالح العرجان]

وله قصيده يتمنى به الابل وياصف به :


،،،،،،،


التايه اللي صار مثلي معـه ضـان
مايتبـع الضينـان كـود العفونـي

طالعت انا المجمول مردوع الاوجان-
العصـر قلـب للقطيـع اللحـونـي

البل عطايـا الله مجانيـس الالـوان
عوج الارقـاب مرفعـات المتونـي

مايعلم الله ينصخـي بـه للاخـوان
لـولاه تجـزى صاحبـه بالغبونـي

عذروبها الغييـب شينيـن الاالـوان
اللـي يـدزون الولـد بالطعـونـي

من فوق حيـل ضاريـات للاقـران
بـس الحبـال ويابسـات الشنونـي

البـل ذبايحهـا عطيبيـن الاطعـان
لباسـة الجـوخ الحمـر والزبونـي

قادت من المربوق والسعـم مليـان
والعصر حشوانها على الماء عطوني



يتبع ...........

[صالح العرجان]

وله قصيده يتمنى به معاميل القهوه بحكم ان حالته الماديه ضعيفه:


،،،،،،،


ابي اتمنـى منـوة الكيـف واختـار
لو كان يرحن التمانـي علـى فـوش

شفي ثـلاث مركيـات علـى النـار
سود خوات فوقهـن كـل طربـوش

واصفر غريب باللحن يدعـي الجـار
توه لفى من سـوق الاروام شايـوش

مـع زرقـا مايصنعـه لـك بيطـار
زرقا قفاها لواهـج الجمـر مفـروش

ومولف يبعـد يمينـك عـن الحـار
يشادي لعنق الديك والخشم مقطـوش

مع قطمـا تبكـي علـى لـك صبـار
تنثر دموع وتمحش الدمـع بقـروش

مثل الهنوف اللي من الغوش تختـار
ماتاخذ الا مرخص العمـر بالهـوش

وخمسة جروس منحسن كل ماصـار
ماحلى صعيره مع صعير اصفر القوش

وصينيـة عجلـه سريعـه بالاديـار
عليه من شكـل المغاتيـر قنطـوش

مع حايل يندن عضامـه علـى الـدار
وحب اللقيمي بازرق الصفو مرشوش

ول ماحلاته مع طـرف كـل مسيـار
ياصار مالك يافتـى الجـود لاقـوش

حلون قبلهن عند ملفـى هـل الكـار
حلون قبلهن مع نبا كـل هشهـوش




يتبع ..............