(( مشب اخو شاهه....!!

[صالح العرجان]

المشاركة الأصلية كتبت بواسطة بنت العبيّه

صـــبــــاح ...الــعـــــلوم الغـــانـــمــــه.صـــالـــح العـــرجـــان...


لــــراعــــي...المــشـــب ولـــكــــل مــنهــــو تــقـــهــــواااااابــــه...




دام مــجــلســـك للـــرجــال المنـــاعيـــر...اذآ لــــي عـــوده لشـــرب


الــفنــجـــال...






دمـــت عـــلى الطـــيب يــاراعـــي الطـــيب....

حي الله با اخت اخووووها

بنت متعبين المعاميل اهل الكرم والطيب (( بنت العبيّه )) ؟!


حي الله الشيخه منك ننتظر كل علم طيب وجزل ولا تبطين علومكم يا الطنايا تقود الوجه ؟!



وهذا فنجال شمالي من بن اليمن ؟!


مقتطفات لبعض من قصائد الشاعره (( عيون المها ))؟!


مساء الخير ومسا الطيب ومسا ليل الرومنسيـه
مسا عذب الكـلام وكـل حـرفٍ يشعلـه قافـي

مسا ليـل القصيـد وكـل ليـلٍ بـه عذوبيـه
مسا الحب الطهور الصـادق الفتـان والصافـي

مسا كل العلوم الغانمه في الارض شرقيه وغربيه
مسا صدق الصديـق الخيّـر الفـزاع والوافـي

//////


الله واكبـر رددو ياهـل الاسـلام
موت البطل اكـد عليـه الحميـه

شموخ راسه ما انثنى وقت الاعدام
في ذمتي ماجابـت البيـض زيـه



الى ان قالت



والمشكله انا عرب خير الاقوام
ننهان ونرضاها بفجر الضحيه؟
///////







اخــلـــــوا...الميـــــدان يــا اهــــــل المنــتـــدى...

جــتـــكــم...اللـــي قـــافـــهــا يطـــرب بيــــدهــا...


مــن...تحــــداااااهــــا عــلـيــــه المــبتـــــدى...

ومــن...نــخـــاهــــا يبــشــر بـــوافـــر سعــدهــا...



بنت العبيّه = عيون المها



نبي من قصيدك شي ما بعد نشر او تداولته الناس بمجالسهم والاجواد ينطمع بهم

بالطيب ؟!


اخو شاهه

[عبدالله الفهد]

السلام عليكم




مساكم الله بالخير جميع




اخو شاهه ياعل هالمجلس عامر فيك وبالاعضاء الكرام






وتقبل مني هالابيات




مشب اخو شاهه صـالـح العرجـــان

بـــه مبهـر ٍ بالـــهـــــيل فنــجالــــة

بـه عــلــم ٍ يـسـر الـقـاصـي والـدان

يجذبك مجلسة وماودك تهز فنجالـة

اخو شاهه تعدا صيته كـــل الاوطان

اخو شاهه ما يردك لو تبي حلالـــــة

ان جيت للطـيب فهو للطيب عنـــــوان

وان جيت للاصل فهو من اطيب سلالة

[محمد الدلماني]

ياسلام عليك ابو عبدالله وجعله عامر ان شاء الله متابع لك

[نايف الفدعاني]

السلام عليكم ورحمة الله وبركاته


يالله حييهم


مساكم الله بالخير اخو شاهه والموجودين هذا انا واعوذ بالله من كلمة انا لبيت دعوتك طال عمرك ويشرفني الحضوور لمشب اخو شاهه بعد القهوه الشماليه من يد راع الاوله اخو شاهه صالح العرجان زانت السوالف وخير البدايه الصلاة والسلام على رسول الله (( صلو عليه يا اخوان ))

سبب تسمية الفارس محسن بن قاعد الفدعاني بــ (( رخيص الروح))


برز محسن بن قاعد في عصرة ذروتاً من الشجاعة ومثل عربي يحتذا به بين القبائل في شبه الجزيرة العربية على مر العصور التي عقبة ذلك الفارس المميز وله صولات وجولات كثيرة في مضارب قبيلته بتلك الزمان الماضي ونذكر لكم منها هذه القصة التي سمي بها بلقب قصة محسن بن قاعد من الفدعان من ضنا عبيد من عنزة
رخيص الروح بين البوادي العربية وفي يوم من الأيام اخذ الفارس محسن على عاتقه قيادة القبيلة وكانت القوات العثمانية تلاحق القبائل في مضاربها وتجمع منهم الذهب والمال عنوةً عنهم وكانت قبيلة الفدعان تجاوزت نهر الفرات الذي تتكاثر فيه المعسكرات العثمانية التي تجمع الإتاوات من ذلك الوقت من البدو الرحل وعندما أراد العودة إلى المضارب الخاصة بهم شاهدو أحد القبائل من شمر تنتظرهم في المقابل ليأخذوا الإبل التي بحوزتهم كذلك وهم في هذا الوضع الصعب قال محسن للقوم أشيروا عليِ إلى أين نتجه إلى شمر الذي نعرف كيف نحاربهم أم إلى عسكر سوادان (وذلك لكثرت سواد القوم من مقاتلين غير معروفين العدد ) وهو يعني الجيش العثمانية بهذه العبارة التي يطلقها البدو على القوات العثمانية فقال له القوم يا طويل العمر نذهب إلى شمر حتى نعرف المقتول منى من قتله ونأخذ بثائر هي من الطرف المعادي لناء وأما عسكر سوادان ما يحاربهم رخيص الروح ورد قائلا أنا رخيص الروح وأخو مرهق وقال من عايف نفسه يجي معي نهجم عليهم وقال شديد بن هجيج انا اجي معك يا شيخ قاله محسن انخني واقصد وقال شديد (( محسن يا رخيص الروح والروح ما يصخا بها يا مرهن عمره والفرس يوم المنايا غالية ))وقال له خلاص انت سق الهجامة ( يعني الابل) باتجاه سوادان وقد أخرج سيفه من غمده وتوشح بدرعه و أعدا للحرب عدته وإذا يشحذ الهمم بين المقاتلين أما النصر والغنيمة أو الهزيمة والعار بين العرب و أتجه نحو العسكر حتى يحاربهم وقال أمير قبيلة شمر الغازية لقومه أما أنا سوف انتظر نتيجة الحرب بين عنزة والعسكر فإذا قبلت عنزة اشترك بالمعركة أساندهم وإذا قلبت عنزة لا أحاربهم في هذه المرة وتلك المواقف من شيم العرب إذا مر بحدهم كربة فاشتدت الحرب بين محسن وقومه وبين عسكر العثمانية ودارة رح الحرب بين الفدعان وعسكر سوادان من أول النهار إلى ما بعد الزوال وهو حامي الوطيس بينهما حتى آخذا يتحرف محسن بالقوات العثمانية من هو قائد ذلك القوم ونظر إلى المقاتلين أنهاها تذهب إلى صاحب العربة وتنطلق باتجاه المعركة وعرف أنهوا القائد ونطلق نحوه وإذا هو يرتدي الأوسمة ونيا شين وضربه فأرداه قتيلا فانكسرت القوات العثمانية ورجحت المعركة إلى صالح عنزة وأخذت الفرسان تجمع من الغنائم التي خلفها الجيش العثماني ورائه مثل الذهب والخيل والموال التي بحوزتهم ممن تم سله من الناس أمثال هؤلاء البد وغيرهم و أطلق عليه من ذلك الوقت برخيص الروح ووردت بهذا الموضوع كثير من القصائد تمجد هذا الفارس لما لديه من الشجاعة

وعساكم غانمين


اخوكم نايف الفدعاني

[صالح العرجان]

المشاركة الأصلية كتبت بواسطة عبدالله الفهد

السلام عليكم




مساكم الله بالخير جميع




اخو شاهه ياعل هالمجلس عامر فيك وبالاعضاء الكرام






وتقبل مني هالابيات




مشب اخو شاهه صـالـح العرجـــان

بـــه مبهـر ٍ بالـــهـــــيل فنــجالــــة

بـه عــلــم ٍ يـسـر الـقـاصـي والـدان

يجذبك مجلسة وماودك تهز فنجالـة

اخو شاهه تعدا صيته كـــل الاوطان

اخو شاهه ما يردك لو تبي حلالـــــة

ان جيت للطـيب فهو للطيب عنـــــوان

وان جيت للاصل فهو من اطيب سلالة

عبدالله الفهد

الرجل بلا لابه يعض ابهامه من الحيف


وان احمد الله اللي هذي لابتي ولا هو قصورن بباقي الاجواد كل من دون عانيه ؟!


اقدع اقدع يا عشير النشاما ؟!



في المجالس انتشر أن دغيّم الظلماوي هو اللي يعرف القهوة الصافية..أو اللي فيها..فيضرب فيه المثل فإذا انتقد شخص قهوة قالوا(لو إنك دغيم)...والصحيح أن دغيم مشهور بأن قهوته جاهزة 24 ساعة...وأما اللي يحرك كافة الحواس ويعرف جودة القهوة ..فهو علوش بن ظويهر...من عنزة...والأبيات هي الحكم...وإليكم القصة:
حضر (علوش) إلى مجلس ابن رشيد في (حائل) وبوجود جمع كبيييركعادة شمر في الكرم..ويوم أداروا الفناجين
على الحضور ووصل فنجان (علوش) ورفعه يبي يشرب..وشغل حواسه..عرف إن القهوة فيها شئ ..وعلى غفلة من الجميع..نثر فنجانه لكن الأمير شافه قال له : ماشربت قهوتنا ياعلوش..؟؟!!قال : ماأشتهيتها...(مايبي يقول إن قهوتك فيها شئ)...يوم ألح عليه الأمير قال : القهوة صايدة..!!قال وش فيها..؟؟ قال فيها طعم (أبوالعوف) حشرة صغييييرة...بعدها طلب إحضار ( الملقمة).. اللي يوخذ منها القهوة للدلال... ويوم بحثوا..فعلاً لقواالحشرة...!!!
وحتى يتأكد الأمير من قدرة علوش قال له خلك ضيف عندنا كم يوم ..حتى يختبر حواسه... في القهوة... جلس عندهم وكل ماحطوا شئ مع القهوة عرفه....حتى حطوا مع الهيل قشر مسواك.... قال له الأمير : قهوتنا فيها شئ.؟؟...قال : كأن فيها طعم (أراك).....فأعجب بقدرته الأمير وقال له : كل ماشفت القمر مثل الباكورة في الغرب
وجهك وأشوف....
عاد كان في المجلس شاعر (ذويبي) هو اللي أثبت القصة (والشعر ديوان العرب) يقول الشاعر :


تستاهل الكيف الحمر يابن وايل
أنت الذي تستاهل الكيف كلّـه

ياللي نقدته وسط ديوان حايـل
لولاك ياعلّوش مااحد ٍ فطن له

ياابن ظويهر مابها قول قايـل
تستاهل الفنجال لاحـان حلّـه

ربعك بني وايل مجاز القبايـل
أهل الجموع الطايله والمضلـه

زبن الدخيل اللي توطاه طايـل
الجمع دونه والرّمك مردف ٍ له
وسلامتكم ,!؟

[صالح العرجان]

المشاركة الأصلية كتبت بواسطة محمد الدلماني

ياسلام عليك ابو عبدالله وجعله عامر ان شاء الله متابع لك

فنجال ما يضر مهو معطلك ؟!


سم تقهو ....



يالربع هذي سالفه صارت بالنعيريه لرجالن عنزي جاي من عرعر،، و ابرز شخصياتها رجالين واحدن عتيبي والآخر الي هو المسافر العنزي.

سافر نايف اللعاق العنزي من عرعر الى المنطقة الشرقية بسيارته الخاصة وفي اثناء مروره بقرية النعيرية بالليل حوالي الساعة 11 سالك الطريق العام وفجأة يخرج من أمامه قطيع من الاغنام السائبة فدهس أكثر من أربعين من الغنم قبل ما يوقف سيراته فأوقف السيارة على جانب الطريق واذا براعي الاغنام يحضر وينهال على صاحب السيارة بالسب والشتائم ، وحضروا رجال المرور فقبضوا على السائق لغرض ادخاله التوقيف لين يجي الصبح وينظر في القضية بالمركز ، واذا بذاك الوقت برجل يتوسل مسئول الدورية ويعرض كفالته لهذا المسافر سواء كان حضوريا أو ماديا ومهما طلب الراعي كان مستعد ، فقبل مسؤول الدورية كفالته وأطلق سراح نايف العنزي ، ونايف مايعرف من هو هذا الرجل الذي تدخل بموضوعه وعمل خيرا معه ، واذا بهذا الرجل فاعل الخير يقول له سافر يا عنزي في طريقك والى اي جهة تريد، وسوف أدفع كل ما يترتب عليك ، فقال العنزي للرجل فاعل الخير وكيف تتكفل بكل شيء وانت ماتعرفني ، فرد عليه فاعل الخير مايهمني ، وانما يهمني احياء عادات العرب الطيبة ، فقال العنزي : أسألك بالله من تكون انت ؟ فقال الرجل لاحاجة لك بمعرفتي يا عنزي وطلب منه نايف بالحاح وش اسمه فقال له :
اسمي / عبدالله بن ابراهيم العتيبي من سكان قرية النعيرية وتشكر منه نايف وواصل سفره ..

وبعد مرور خمس ايام عاد العنزي لكفيله العتيبي وأنهى دعواه مع خصمه صاحب الاغنام ، وبهذه المناسبة قال الشاعر / طايف اللعاق العنزي شقيق نايف قصيدة وفاء واعتراف منه للرجل العتيبي اللي سوى الجميل بدون سابق معرفه ، فينشد العنزي :
اكتب جوابي للقيل يوم فصلــــــــــت
،،،،،،،،،،،،،،،،،،،،،،،،،،،،،بفعل العتيبي وأشهر الفعل بالقيــل
وأذكر لك اسمه يوم قتل وتمثلـــــت
،،،،،،،،،،،،،،،،،،،،،،،،،،،،،اذكر لك اسمه وأرفع الصوت بالحيـــل
عبدالله ابراهيم ونعم بما قلــــــــــت
،،،،،،،،،،،،،،،،،،،،،،،،،،،،،نعم اليا عديت فعل الرجاجيـــــــل
عز الله انك يالعتيبي تجملــــــــــــت
،،،،،،،،،،،،،،،،،،،،،،،،،،،،،جمالة تذكر لجيل وراء جيــــــــل
لموضوع ابن لعاق شلت وتحملـــــت
،،،،،،،،،،،،،،،،،،،،،،،،،،،،،مثل البليهي يرتكي لا أثقل الشيــــــل
أنت الذي عنه الصعيبات ذللــــــــــت
،،،،،،،،،،،،،،،،،،،،،،،،،،،،،ذللت صعبات المهمات تذليـــــــــل
جيت وكلفته ماتفطنت أو قلـــــــــــت
،،،،،،،،،،،،،،،،،،،،،،،،،،،،،ما قلت ما أعرفه ولا لي مداخيـــــــل
وأنت الذي للطيبة ماتجاهلـــــــــــــت
،،،،،،،،،،،،،،،،،،،،،،،،،،،،،فعلتها يابن الكرام المشاكيــــــــــل
وكم قبلها من طيب الفعل حصلـــــت
،،،،،،،،،،،،،،،،،،،،،،،،،،،،،يوم الردى منها قليل المحاصيـــــــــل
وأنت الذي في صفحة المجد سجلت
،،،،،،،،،،،،،،،،،،،،،،،،،،،،،قصة شهامة يا بعيد المناويــــــــــل
يا اللي علينا بالجمالة تفضلـــــــــــت
،،،،،،،،،،،،،،،،،،،،،،،،،،،،،ترفع لك البيضاء بروس الشهاليــــــــل
نرفع لك البيضاء اليا أقفيت واقبلــــت
،،،،،،،،،،،،،،،،،،،،،،،،،،،،،،عد النهار وعد ماروح الليــــــــــل

جاكم العلم

وونعم بكم يا عتيبه وهذي ترا وحده من ملايين

في منتديات عنزه ذكرت هالسالفه وشفت تعليق اعجبني من الكاتب حمد العنزي لقبه بناخي الهيلا
قال بيتين ومادري هي له ولالا الزبده انه قال :



الطيب منكم وبخوتكـم يزيـدي
يا عتيبة يالهيلا يامعطرة السبيبي

كلام من القلب وأقوله بقصيـدي
يا سعد من صار خويه عتيبـي

[صالح العرجان]

نايف الفدعاني

عينا ما تشوفك ضريره سعد والله عينك يا محزمي تدري

خذ الفنجال والم وهذي علومي ؟!

قصيده للشيخ شالح ابن هدلان يرثي ولده ذيب وهي وحده من عدد من مرثياته بولده ؟!



ذيب عـــوى وانا على صوته اجيب
ومن ونتي جضت ضواري سباعه

عــــز الله اني جاهل ما اعلم الغيب
والغيب يعلم به حــفيظ الوداعـه

يالله يا رازق عكـــــف المــــخاليب
يا محصي خلقه ببحره وقاعـه

تفرج لمن صابه جــــــروح معاطيب
وقلبه مـن اللوعات غاد ولاعـه

إن ضاق صدري لذت فوق المصاليب
مانيب مـن يشمت فعايل ذراعه

صار السبب مني على منقع الطــيب
ونجمي طمن بالقاع عقب ارتفاعه

ياطــــول ما هجيتهن مــــع لواهيب
ولاني بداري كسرها من ضلاعه

وياطـــول ما نوختها تصـــرخ النيب
وزن البيوت اللـي كبار رباعـه

واضـوي عليهم كــــنهم لي معازيب
إليا رمــى زين الوسايد قناعـه

أضوي عليهم واتخـــــطى الأطانيب
واخذ مهاوية الجـمل باندفاعـه

أبي انذر اللي من ربوعي يبا الطيب
لا ياخذ إلا مـن بيوت الشجاعـه

يجي ولدها مـــــذرب كـــــنه الذيب
عـــز لبوه وكــل ما قال طاعـه

وبنت الردى ياتـي ولدها كما الهيب
غــــبن لبوه وفاشله بالجماعه

ياكـــبر زوله عـــند بيت المــعازيب
متحري متى يجي مقدم متاعـه