........سهم المواشي ........... - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**نايف الثبيتي** · 04/12/06, (07:55 PM)

والبنك يملك حول نصف المعاشي
000000000قرضً وضيع وسط سـوقً مهـدم
شفنا المؤشر يصعد لفوق ماشـي
000000000وكلن يقول الخير يا نـاس أقـدم
مكسب كبيـر ولا يبيلـه نقاشـي
000000000يا لله نبيـع ونشتـري بالدراهـم

تركي صالح

صح لسانك وبيض الله وجهك

والله انك وصفت حال الاغلبيه من السعوديين

صرنا نشتغل للبنوك والسوق يخلف الله علينا فيه

تركي يعجبني الشعر اللي يلامس همومنا

فلك مني التقدير والاعجاب ولك تحيات اخووووووك

نايف الثبيتي

**عبدالله عايد** · 05/12/06, (12:06 PM)

بس الرجاء با قي وبا الله عاشـي
ثمً بابو متعب عـزا كـل مسلـم

ابو صاااالح صح لسانك وقصيدة معبرة جدا

وفعلا توصف حال الاغلب هنا بس لو سميت البنت الهولندي كان قلت تقصدني هههههههههههااااااى

ابو صالح بعد القصيدة هذي بديت احس انك راايح بقوة هههههههههااااى

الله يزين الامور يابو صالح للجميع انشالله

صح لسانك واعتلا شانك والله يعوض عليك

وتقبل فائق تحياتي لك

**سلطان الشامخ** · 05/12/06, (11:38 PM)

اقتباس:

المشاركة الأصلية كتبت بواسطة تركي صالح

أتت هكذا فأرجوا أن تحوز على رضاكم

لا والله الا طاح سهم المواشي = والسوق حمر تنزف اركانه الدم
ضعنا وحرنا وسط سوقً فشاشي = يومً بنور وعشرة أيام مظلم
ومن بعد ما كنا غدينا ولا شي = وصار الامل بعد التأسس محطم
والبنك يملك حول نصف المعاشي = قرضً وضيع وسط سوقً مهدم
شفنا المؤشر يصعد لفوق ماشي = وكلن يقول الخير يا ناس أقدم
مكسب كبير ولا يبيله نقاشي = يا لله نبيع ونشتري بالدراهم
نبي لنا بيتً وموتر وكاشي = متوفراً واللي نريده لنا يتم
وضاع الامل وصار حلم متلاشي = بعد الذي شفناه بالسوق نظم
قلنا نبي نملك سمين الكباشي = وصرنا كبوشن بيد ما ضن ترحم
وصار النصيب عظام كله عراشي = هذا الاخير بجيته دوم يهزم
وانا احمد الله غيرنا بالنعاشي = ولا اسيراً وسط سجنً من الهم
والبعض الاخر راح سوق القماشي = ولا طريقه رايح لسوق الاسهم
يمشي ولا يدري على وين ماشي = تسوقه الخطوه ولا هو بيعلم
وصرنا حكي ومسلسل انتاج طاشي = نهايته تجرح وتحزن وتألم
بس الرجاء با قي وبا الله عاشي = ثمً بابو متعب عزا كل مسلم

تسلم اخوي ، تركي صالح

نص فريد من نوعه والأسهم مشكله توهقنا فيها

صح لسانك

**نايف بن سعود** · 10/12/06, (06:59 AM)

.
.
.
تركي صالح ,
صح لسانك ملايين ولاهنت ..
قصيده رائعه من رائع ..
تركي صالح ,
تشرفتُ بقراءتي لك , وسأكون دائماً متابع لحرفك ..
فأنت تستحق المتابعه أيها الجميل ..
كل الحب لك .

**تركي صالح** · 11/12/06, (03:16 AM)

الاخ الغالي / سعود العواجي

صح بدنك وسلمت ودمت

وانه لفخراً لي مرورك العطر

وفخري الاكبر هو اشادتك

اللتي اعتز بها

دمت سالمً وغانمً دائمً انشاء الله

ودام نقاء حرفك الرائع

وتقبل فائق التقدير والاحترام

**تركي صالح** · 11/12/06, (03:19 AM)

الاخ العزيز / سلطان الوايلي

صح بدنك يالغالي

ودمت وسلمت على هذا الاطراء الرائع

ومرورك هو فخر اعتزازي

دمت بكل خيراً وعافيه

وتقبل فائق التقدير والاحترام

**تركي صالح** · 11/12/06, (03:21 AM)

الاخ القدير / صمت1

صح بدنك يالغالي

ولك جزيل الشكر والتقدير على مرورك العطر

ودمت بكل خيراً وعافيه

وتقبل فائق التقدير والاحترام