رحلة هذا الاسبوع والشاعر /اورنس الهذال

[صالح العرجان]

ابو خالد

يعطيك العافيه على هاللقاءت اللي تتيح لنا القرب اكثر من شعراءنا......



اورنس الهذال



هلابك عد ما فرح بشوفتك غالي .....



ما هي اقرب قصائد اورنس الى قلبه !


لكل شاعر قصائد يحتفظ بها لنفسه هل لنا ان نحظى بشي منك اذا تفضلت !


بيت من الشعر تمنيت ان يكون لك !


هل يجب على الشاعر الاطلاع بقصائد الغير كي يتفادى ان تتشابه الافكار بالطرح رغم اننا نرا شعراء لا يحفظون
قصائدهم فكيف لهم متابعة الساحه !



لكل شاعر طقوس معينه اثناء الكتابه هكذا نسمع فما هي طقوس اورنس !



كل شاعر يدعي انه الاوحد وانه هو المظلوم وان الساحه اصبحت مهزله فما راي اورنس الهذال بما يدور بالساحه الشعبيه !



للحوار بقيه ....

[اورنس الهذال]

صالح العرجان ........

هلابك اكثر يالغالي ...

وعساني على ماتتمنى ...





صل على النبي ...





ما هي اقرب قصائد اورنس الى قلبه !



والله الكل ياصالح ولاني ميّز وحده عن غيرها ... فكل ماكتبت قريب لقلبي لأنه خرج من قلبي واحساسي .







لكل شاعر قصائد يحتفظ بها لنفسه هل لنا ان نحظى بشي منك اذا تفضلت !



لا بالله ياصالح ماهناك شي اخفيه عنكم ابد ... ولاعندي شي كتبته ولااظهرته ...

لكن فيه قصيده انشاءالله عن قريب ستكون بين صفحات ويلان .. ماكنت ناوي انزلها لكن طلبت وطلبت بحراره وحلفان وانت خابر

بعطيك منها مايحضرني

اقول منها

البارحه كل(ن) على وسادة النوم=حمسة مايقعد حلول الصعيبات
الفكر سارح لاجوازات وختوم=عدا مجاله فوق ذيك الطويلات
نشايب(ن) في صدري جبال وحزوم=متراكمه لَبعد حدود المجالات

إلى ان اقول

بعض البشر ماهمها كثرة اللوم=وزلات بعض رجال ماهي بزلات
رجل(ن) تعزه كلمته دايم الدوم=ورجل(ن) كلامه بالمجالس تفاهات
واللي يصيد النايفه ماهو البوم=البوم......................................

بيت من الشعر تمنيت ان يكون لك !



قلته ياصالح .... في اسألة ابو خالد والبيت لبوخالد ... (( عبدالله الحجيلان))
اللي يقول فيه



امانه لاتخليني ترى فرقاك مثل الموت ....... دخيل عيونك اللي هي عذابي لاتخليني






هل يجب على الشاعر الاطلاع بقصائد الغير كي يتفادى ان تتشابه الافكار بالطرح رغم اننا نرا شعراء لا يحفظون
قصائدهم فكيف لهم متابعة الساحه !



ماهو واجب بقدر ماهو مستحب ويجوز ..... لأن الشاعر حريص على طرحه .. فيحب أن يكون طرحه مميز وله ميزته عند المستمع
ولكن مسألة الحفظ ... فأرى أنها ماهي عائق يعيق من المتابعه .... فالشاعر يطّلع بهدف المتابعه لا الحفظ .. وبالنسبه لقصائده ... فحفظ الشاعر يميزها اكثر بمسامع جماهيره أو متابعين الساحه .






لكل شاعر طقوس معينه اثناء الكتابه هكذا نسمع فما هي طقوس اورنس !



ماعندي منها ياصالح غير انه يكون جوي هادي بالمره ... وحنا يالطلاب العزاب ماعندنا هالهداوه ... يعني بيني وبينك وبأذنك مرات اطرد اللي معي بالشقه عشان قصيده .... وهم متفهمين ذلك طبعاً





كل شاعر يدعي انه الاوحد وانه هو المظلوم وان الساحه اصبحت مهزله فما راي اورنس الهذال بما يدور بالساحه الشعبيه !




لكل شاعر رأيه ...في مسألة الاوحد والعاشر

فالساحه لاتظلم لكن نقدر نقول ان الذين يحكمون الساحه من اعلاميين وصحفيين ومعدين هم من يظلمون احياناً فهناك كما قلت سابقاً شعراء لو خرجوا للساحه لحكموها والأمثله بين ايديك في ويلان ....









صالح .... اتمنى اني وفقت في الاجابه عن تساؤلاتك بالقدر الذي انت تريد

ومادام للحوار بقيه

فأنا ومتصفحي والمنتدى ... بإنتظارك ولي الشرف والله ياصالح

ودم بخير الى ذلك الحين