دعوة لجميع الشعراء .......

[نواف هلال]

إن جاك من يسألك فجأه عن الدين = قله خلقنا ربّنا للعباده
أسند كلامك وأثبته بالبراهين = لين يتحقق عند مثلك مراده
العسر خلّه وإجنح لجانب الليّن = وخل البدايه ذكرفضل الشهاده
وأذكر محبّة خالق الناس جنسين = وبعده محبة من يشرّف وداده
وبعده محبات الرجال الشريفين = صحبة رسول الله يوم إجتهاده
وقلّه عن القرآن جزل العناوين = وبعده كلام اللّي كلامه إشاده
وإن الصلاه اللي بجمع المصلين = أفضل بواجد عن صلاة إنفراده
وإدخل معه ضمن العقيده ميادين = وإشرحله إن الدين عزم وإراده
وصل القرابه وإحترام البعيدن = والصبر الأمثل مع حلول القراده
ضم اليتامى وإستناد الضعيفين = والخوف من قبر ٍ شديد ٍ سواده
يوم الخلايق كلها بين حالين = كل ٍ يحصّل ما جناه بهداده
كل البشر توقف برجوى كتابين = يمين وإلا للشمال ورماده
يوم السراط يمره الناس عجلين = والويل للّي ما يزمّه جواده
يوم الحساب ورّدة العين بالعين = يوم ٍ به المجروح ينسى ضماده
يا صاحبي من دون رمعه وتخمين = عندي سؤال أبغاك تكسر عناده
وش تنفع الدنيا إذا ما بها دين = وليش العباد إن كان ما من عباده