جعافره عند امهات المخاليــــــــل

[بعيدالهقاوي]

الاخ

العزيز

عبدالكريم العنزي

مجهود تشكر عليه ولكن لي مداخله على القصايد

بعد اذنك طبعاً

يابرد لاهبت عليك النسانيس=ولاجاك من وبل الثريا نشيه
غرنا على وضحاً عليهن برانيس=كلش ايلالي وسمها جعفريه
باثمانهن ياماجدعنا من الكيس =من ذود ابوعسكر زبون الونيه
ياحيف ياسليمان ذيب المعابيس=يامشبع الخطار والاهليه
منهم خذيناقضاه باربع ملابيس=والخامسه باالليل بنت العبيه
اربع من النمران ماهم هلابيس=مثل القليب الياانهدم ركن طيه
بالليل ضوالملح مثل المجابيس=وعلى لقط يامادنت من منيه
يوم انكم يم النخل والدهاليس= وحنا ورا عرنان ندفع شويه

قصيدة عنزه ويقال انها لشاعر : دلي السبيعي

حر تنهض يتبعونه هل الخيل=الجمع يزبر والرمك له اضلالي
طلعه رمع من راس عرنان وكحيل=وادلى بجول الصيد من راس عالي
يامنقره جاكم بعيد المناويل=مشل ضربكم ضربة بحتمالي
اخذ حلالك غير ذبح الرجاجيل=هذا جزاكم يابعيد المدالي
ذبحتوا النمران هود من الليل=هرج صحيحاً والعداله تقالي
جعافره عند امهات المخاليل=بياعتاً لروح والعمر غالي
ومنكم وقع سلمان ريف المهازيل=الي لدكلات السبايا ايوالي
خلوه ربعي طايحاً كنه الميل=عليه سحمان الضواري تلالي
صاحاً عليه منقضات العثاكيل=يبكن على سلمان ريف الهزالي
يامنقره جوز حريمك غدن حيل=ترى حريمك وجهن للحيالي
حريمكم ياسنيد حيل مراحيل=تجرعن ويلات حزن الليالي
ارجالهن ذبحوا بحد الغراميل= بين البليطا والهضاب العوالي
ذبحاً بحد السيف ماهي تقاويل=تسعين لحيه عدنا باالكمالي
الذيب ياكل من عذي المواكيل=والطير ينقر من ثناد العيالي

المصدر كتاب المرحوم الاسمر الجويعان