ماني مغني من خلاي بخلايه

[الدامر]

ماني مغني من خلاي بخلايه=وماني على جر المواويل طربان
الحب ياهل الحب سبة بلايه=ومايرقب المرقاب خالي وفسقان
حطيت في روس الطويلات رايه=لاهل الهوا معنى وملجا وعنوان
يرقالها منهو مع الحب تايه=قلبه ببحر الحب مبحر وغرقان
يبعدبها العاشق عن اهل الوشايه=الي تصب العلم فاذان شيطان
واحرق قلبي حرق داخل حشايه=بين الضلوع العوج خالص ونجضان
عليك يالي تلبسين العبايه=يابو العيون السود والعود ريان
واجر قلبي جر باول عنايه=قوسن لعبه بالحن ابن مشعان
عليك يالي في يديك الولايه=وليت قلبي لاكن الحب سلطان
وحلا ختام ان البدايه نهايه=ماني على جر المواويل طربان

[موسى المشعان]

واحرق قلبي حرق داخـل حشايـه
بين الضلوع العوج خالص ونجضان
عليـك يالـي تلبسـيـن العبـايـه
يابو العيون السود والعـود ريـان


ما لومك يا بعد راسي

[محمد المقبل]

واجر قلبـي جـر بـاول عنايـه
...........................قوسن لعبه بالحـن ابـن مشعـان
عليك يالـي فـي يديـك الولايـه
............................وليت قلبي لاكـن الحـب سلطـان
وحـلا ختـام ان البدايـه نهـايـه
.........................ماني على جر المواويـل طربـان

صح لسانك يالدامر وقصيده رائعه

واجر قلبـي جـر بـاول عنايـه قوسن لعبه بالحـن ابـن مشعـان

ينخاف من هذا البيت وتقبل اعجابي وصح لسانك مرة ثانيه

ودمت بكل خير

[عبدالله]

ماني مغنـي مـن خـلاي بخلايـه
وماني على جر المواويـل طربـان


صح لسانك يالذيب ونتلطع لكل جديد لك ولامثالك من الشعرءا اللي يطرب لهم القاريء


تقبل تحياتي وإعجابي



اخوووك عبدالله

[عبيد الله مهل الشملاني]

حطيت في روس الطويلات رايه

لا هل الهوى معنى و ملجا و عنوان


صح السانك يدامر لاكن دمرت القلوب الشيبان يدامر بتذكارالماضي


اخوك , عبيد الله الشملاني

[المطرفي]

الدامر






صح لسانك وسلمت يمينك



قصيده ماتجر القلب الا تجر الروح من اقصاها




والمعذره كاني ما اخترت من الابيات لانها كلها رائعه بروعة حضور قائلها





لك الود

[الدامر]

صحت ابدانكم جميعا ويعطيكم العافيه على مروركم