قـصـيـدة الــتــابوت............

[كبرياء انثى]

هلا بك


وهلا بكل جديد تطرحه بين طيات منتدانا


أعزي من رغب يبقـى حياتـه داخـل التابـوت
لعمـره ماتـت امالـه بعـد ماقـيـد بكفـانـه
رضخ للواقع أبصمتت سكوتٍ ماوراهـا صـوت
كفـا للحيـن باقيلـه صـداه اللـي بأركـانـه
صدى صوتٍ مظى يشكي لناسه مر طعم الموت
ينـادي يشكـي ألناسـه وجيرانـه ولخـوانـه
ولاكن راح ومات وفات فوته وش يفيد الصـوت
ياليتـه ماشكـى همـه لجيـرانـه ولخـوانـه
تعلم من شكاه انـه هنـا فـي عالمـه مشتـوت
بحجـت يـوم يشكـي للقرايـب ماحـدا عانـه
ألا وعزي ألحاله شكـاه ان قـد شكـا للكـوت
عسى في رعشت البرد االرهيب أتدفـي أردانـه
كأنـه بـد هالعالـم بأينـاء الحـزن مكـبـوت
ولا يلهـي الفكـر بفكـار كـود أيـام ريعانـه
أيام الدميـه البيظـى أيـام اللعـب ويـا نـوت
وأيـام أبيـوت طيـنٍ يبنيـه وتطيـح جدرانـه
وأيام الضحكه اللي بـه حيـا يتبسمـه بسكـوت
وأيام أدموعـه ألطيـرٍ تهافـت ريـش جنحانـه
وأيام أيجمع أحجاره لجل ياصـل لعنـق التـوت
وأيام أيدور هو وأطفال جيرانـه علـى الدانـه
ذكر ماضيـه دام أنـه بأينـاء الحـزن مكبـوت
فقـد بسمـت شفـاه الا بذكـر أيـام ريعـانـه
حنا راسه ذرف دمعٍ من أعيونه كمـا الياقـوت
بريق أدموعه اللي ساكنٍ فـي محجـر أعيانـه
ولاكن وش تسوي له دموعه بعد فـوت الفـوت
وش أتفيـد الأمانـي دام حظـه صـك بيبانـه
تناظر له عيون النـاس كأنـه دميتـن منحـوت
تبي تعرف ملا محهـا ولا كـن صعـب تبيانـه
يروع شكله الشاحـب يـروع لونـه المبهـوت
يداول هالسـؤال ألمـن يشوفـه وشـي ألوانـه
الايالله يا منجين عبـدك وسـط بطـن الحـوت
تنجـي مـن لجالـك يـوم كـلٍ يتركـه شانـه
خشع لك رافع أيدينه شكالك مر طعـم المـوت
تعصم في حبالـك وأنـت قـادر فيـه سبحانـه
حكيت اللي قدرت أحكي عن أصل الواقعه ببيوت
علامه وش بذاك الشخص وش اللي هزت أركانه
وأكرر له عزاي أنـه تعـود ظلمـت التابـوت
وتعود رميـت أثيابـه لرغبـت قسـوة أكفانـه


]
صح لسانك كلمات رائعه اعجبتني كثيرا حقيقه تماما كجمال عنوانها

دمت بود