قصيده قصر الرجى للشاعر عبدالله سعود الدغيثر - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الدغيثر** · 21/09/06, (02:49 PM)

قصر الرجى

بنيت قصرٍ لـلرجى نايف الجال *** وهدمت بيت الياس عقب المذله
وفتحت لي بابٍ عليه الصبر طال *** وقـفلت بـابٍ مـنه كبدي مغله
وهديت طيرٍ يطربه صوع الاجوال *** وبرقعت طيرٍ ماتعـدى محله
وسجيت رجلي في وسيعات الاميال *** وحولت من روس الرجوم المطله
وقفيت عن دارٍ بها شـفت الاهوال *** وحليت عند اهل القصور المظله
وفلّيت لي طرسٍ حوا زين الامثال *** وطرسٍ قريت العام حرّمت فله
وخايلت لي برقٍ سرى يشعل اشعال *** وبـرقٍ تـعدى مـاتـبعناه لله
وشربت لي من صافي الجمة زلال *** مـن عقـب عـدٍ ريقـنا مايبله
وطويت صفحات النكـادة والانكال *** وكفيت دمعٍ من عيـوني تـهله
يـاما كتمت الغيض عن كل الانذال *** اللي لهم شذب الـعراقـيب فله
وخذيت من بقعا لي دروسٍ جزال *** وعـرفت من روغاتها العلم كله
يـافكرتي بالوقت راحل ونـزال *** احـدٍ هني واحدٍ على جال مله
وفكرت بالدنـيا على مر الاجـيال *** واثر السـديري قالها في سجله
( احدٍ تذعذع له على روس الاقذال ) *** واحدٍ كما السرحان والوقت ذله
ويـالله يـالـلي عـالمٍ كل الاحوال *** تحـسن خواتمنا على خير مله

عبدالله بن سعود الدغيثر
28/1/1422 هـ

**فايز البذيلي** · 21/09/06, (02:52 PM)

صح ذوووقك اخوي ابو سالم قصيده واافيه ولااروع

صح لسان شاعرها

كل التحية

**عبدالله الدغيثر** · 21/09/06, (02:53 PM)

الله لا يهينك اخوي فايز على مرورك وردك