قلت هذا القصيده بالشاعر الكبير عبدالله بن دهيمش عبار العنزي والفاضل هزاع بن عايش ابو الروس الدهمشي والفاضل هليل فرحان العنزي
واليكم القصيده
هاضت شجون البال بحلا المثايل=مثايل ن ماينقده قل نقاد
الى بغيت القاف ماني مسايل =أندب هواجيسي من بلاد لبلاد
يامرحبا ياشاعر أولاد وايل=يالشاعر المعروف كساب الامجاد
يامرحبابك عد وبل المخايل=وعداد مانسمع مع الجو رعاد
حييت ياللي دوم للحمل شايل=بك يالمعنى وانت شاعر وقصاد
نفخر بذكرك مع جميع القبايل=وعنك القبايل بين ناشد ونشاد
ماضاعت علوم الوفا والحمايل=حزمتها من حد جده البغداد
سجلت تاريخ الجدود الاوايل= تاريخم واضح على روس الاشهاد
وابو فهد هزاع واف الخصايل=له بالوفا والطيب مصدر وميراد
من روس روس مطوعت كل عايل=دهامشه كان الجمل حد بقيلد
افعالهم بالطيب ماهي همايل= يتلون زيزوم الجموع ابن مجلاد
مركاضهم يشف القلوب الغلايل= يوم الحرايب كسبهم شقح الاذواد
اهلا بكم يااهل الوفا والجمايل =الله يحييكم على كيس الاجواد
في بيت شيخ ماضيله فعايل =الشيخ ابو جزا على الطيب معتاد
سيخ ن يضلل عن سموم القوايل=الطيب سلمله على دور الاجداد
واليوم انا ابي انشدك والشك زاي=يوم اجتمعنا صدفتن دون ميعاد
يابن الكرام اللي ترب الاصايل=أرسلت لك مكتوب والرد ماعاد
رسالتي توجهت صوب حايل =راحت ولا جاني خبرها بالوكاد
قلي يابن عبار حل الوسايل=هي جتك ولا دونكم حال رداد
يمكن من المندوب خان الرسايل=عنك خبر بعض المناديب مافاد
الضاهر انه عن لزومي تمايل=حاسد ويسمع ناس بالهرج حساد
بعض الرجال اليوم مامن صمايل=مسرد كلام وبالدياوين سراد
وصلاة ربي عد من الهمايل=على النبي الهاشمي سيد الاسياد
رد الشاعر الكبير عبدالله العبار
جاني جواب سعود عبر الوسايل=اسرع من اللي وجه برج الارصاد
قريت خطه ثم سجلت قايل=يامرحبابه عد من بوت الاجراد
القرم ابن راجي علومه جزايل=هو جزل وبيوته عذيات وجداد
المعذره يالشوق ضاف الجدايل=تنشد عن اللي مالقينالها وجاد
عن خطكم دورت كل الفوايل=وسط الدروج وفي سجلات الاسناد
عن وصلته يامسندي حال حايل=ولا ترا المندوب ماقصده اعماد
يمكن نسيها والمشاغل هوايل=احيان ننسى ماتقل عندنا فواد
احسن به الضنه وحذرك اتسايل=ترا الرفيق امعاتبه يجلب احقاد
ياسعود قافك مثل ورد الخمايل=انت الذي شرواك في جهدنا شاد
عسى فداك اهل القلوب الهبايل=لك عندنا يالقرم تقدير ووداد
تشكر على تمجيدك اهل الفضايل= هزاع وهليل على الطيب رواد
امثالهم بالناس صارو قلايل=ندعي لهم طول الايالي بالاسعاد
نعم بابوفهد عزيز انزايل=اللي بفعل المرجله والكرم جاد
من طلعته يسعى على كل طايل= مكارمه بالموجبه مالها عداد
وابوجزا هليل عريب السلايل=الوايلي منوت ملاهيف الاكباد
في ضيفه ايهلي كريم السبايل=من حين يقلط جاه دله وبراد
والعود لقروم النشاما كمايل=حيثه يرود الطيب والطيب له راد
حطاط من فوق الصياني نثايل=يااما وياما قال سمو على الزاد
قلط جزيلات الكباش الجلايل=اللى الشحم بضهورهن تقل لباد
مانشغل عن واجبه بالوكايل=لوالمراجل ودها سعي وجهاد
لي الفخر مع طيبين الفعايل=والشعر لهل المدح حامد وحماد
وصلاة ربي عد غرس الشتايل=على النبي زال الضلاله والا لحاد
03/07/06, (01:23 PM)
قلي يابن عبار حل الوسايل
العرض العادي
