ذكريات ليلة الدخله

[سندريلا]

ههههههههههههههههههههههههههههههههه




الله يفضحه فضحها مسكينه


اكيد الشباب تخيلوا شكلها على اخوها



مشكور سلطان على المشاركه الطريفة

[خــلــود]

بسم الله الرحمن الرحيم

بصراحه انا اذكر مواقف كثيره كثيره كثيره جدا جدا عن ليلة الدخله

فيه وحده من زميلاتي تزوجت وعمرها 14 سنه وثلاث شهور فقط لا غير

يوم قالت لها عمتها زوجة ابوها انك راح تتزوجين :

طارت من الفرحه وتمنت انها تكون مصريه علشان تزغرد زغروده قوووويه

تقولي كان كل تفكيرها انها بتصير حرمه وتبي تشرب قهوه وتجلس مع

الحريم وتركب بالسياره قدام

المهم في ليلة زواجه خلصت منها الكوافيره قبل صلاة العشاء بالتمام والكمال

ومن وقتها وهي منطقه فوق الكرسي ماقامت على الاطلاق

ولا فيه احد جاب لها شي تاكله ولا عصير تشربه ولا حتى مويه

المسكينه قاعده وخشتها يابسه

وتتفرج على اللي يدخل ويطلع عليها بالغرفه وهي مبسوووووووطه

المهم دخل المعرس ورقص واللي رقص وصاح اللي صاح

وراحت هي وزوجها للشقتها

وتقولي من يوم دخل عليها بالقاعه وهي منتفخه يحاكيها ولا ترد عليه سافته

وهي بالشقه حاول انه يكسر الحااجز اللي بينهم ( على قولت اخواننا المصريين )

يقول لها تعالي افرجك على الشقه وسافته يقول لها قومي غيري فستانك وسافته

قال لها خلاص امشي نجلس بالغرفه عند التلفزيون وماقامت من الصاله الابعد جهدا جهيد

تقولي يوم دخلت الغرفه الا وش اشوف فوق الطاوله كل انواع الاكل والحلويات

اممممممم قال لها تعالي نتعشى قالت له المقروده لا شكرا شبعانه مااشتهي

حاول وحاول وحاول مافيه امل جلس ياكل وريحه الاكل اممممممممممم شي غريب

وجلس الاخ ياكل ولا جاب خبرها

يوم خلص قال قومي غيري فستانك علشان تنامين وهي تهز راسها كنها مروحه قعاديه

مسك يدها هي وفستانها وحطها فوق السرير قال نامي بفستانك بس خلصينا

ونامت المسكينه فوق السرير كنها باخره نقل رابضه على الميناء

ولاتحركت من السرير ويوم حست انه نام قامت هي وباخرتها

ونزلت بشويش من السرير وجلست بجنب الطاوله اللي فيها الاكل وجلست على الارض

ودخلت رجولها تحت الطاوله والفستان كنه برميل بترول من كبره وهي كنها شابوره في وسط كاس حليب

تقولي ان نظام سريرها المقدمه اللي تحت الرجول عاليه يعني وهي جالسه تحت على الارض ماتشوف

اللي بالسرير

المسكينه ماقدرت تقاوم الاكل وريحته وجلست تاكل بشويش وتشرب عصير

وماحست اللي يقول لها شوفي التورته طعمها حلو

المسكينه نشبت اللقمه بحلقها وطلعت عيونها

ومادرت وش تسوي

قامت هي وعبارتها وعلى طول على السرير تغطت ونامت بفستانها

ياشين اللي تتزوج وهي توها طفله صغيره

خلود ....

[شمــــــــوخ]

خلود

ههههههههههههههههههههههااااااااااااااي

الله يقطع بليستس وربي مت ضحك ههههههههههههههههههااااااااي

ياشين اللي تعرس صغيره ماتعرف تتصرف


ومن جد الجووع يتسلط علينا ذيك الليله مدري ليه ؟

ياحبي لتس أنتي وعلومتس خلووده

.

.

تسلمين <<<<<<أرد بالنيابه عن صقيقتي لين ترجع بالسلامه وترد

[خــلــود]

بسم الله الرحمن الرحيم

تسلمين شموخه صاحبة محل وانا اختس

وياكثر المواقف بس حبه حبه

خلود...