انتقلت الي رحمة الله والدتي قبل امس نسأل الله العلي القدير ان يتقبلها بواسع رحمته وان يسكنها فسيح جناته ولا يريكم مكروه
لا تنسونا من دعاءكم فنحن بحاجة اليه
...............................
اشوفهــا قدام عيـنـي وانا حـــي
£ كل يوم اناديها وتسمع كلامــي
واقول يا ضي العمر اطلبي شي
£ وتقـول ابي فرحتك واقف امامي
وقفت شموخ تهز في قدرها طـي
£ لا تنحني للوقت وتقول ضامــي
خلك زبون المجد ومعاند الـ غي
£ خلك نبيل وطول عمرك عصامي
اثبت وشد ازرك ترى عمرنا زي
£ سرب الحمام وجالها كم رامـــي
يمـه انا وشلـونً اوقـف برجـلــي
£ يـمـه وربي ما تشـدد عـظـامــي
يمه وربي في خـفـوقـي اثـر كي
£ في كل لحظة جرحه يسيل دامي
حنا ترى دونـك مثـل نبتـه وري
£ ماتت عطش ولا عليها مـلامـــي
انتي الهواء واجمل دواء واعذب المي
£ انتي عديل الـروح عشقي وهيامي
حاولت اكمل وامسكت اطرف ايدي
£ قـالــت امانـه بلغــوا لـي سلامـي
للي حزن لجلـي وللي سـهـر لــي
£ واللي حضر من خال والا عمامي
وللـي تركت بمجلسي قبل لأمـشـي
£ واللي تربــوا في يــدي كم عـامـي
واللي رفع اسمـي من أولاد وبـنـي
£ بأعلى مقاليد الشرف هم وسـامـي
انتم فخر لا جاء مع الناس طاري
£ لكـم جزيل الـشـكـر فوق احترامي
ادعوا عسى الله يغفر ذنوب ماضي
£ يقـبـل قيـام الليــل واخــر صيامي
ويـعـيـنـكـم بـعـدي صـبر بركم بي
£ المـوعــد الجنــة بحـسـن الختامـي
بـ أسـمـك اله الكـون نرفع وندعــي
£ المـوت حق ولـكـ كمال الـدوامـي
يالله عسى قبر الحبيبة يشـعـ ضي
£ ويارب ترزقهــا بخيــر الأنــامـــي
ويارب رحمتك الوسيعهـ لهـا فـي
£ من يوم تشخص به عيون الفطامي
سبحانكـ الـرحـمـن تـأخـذ و تعطي
£ أكـرم جـسـدها في جـوار الكـرامي
02/04/14, (01:44 AM)
قدر الله وما شاء فعل ( اللهم لا اعتراض على حكمك )
العرض العادي
