سلام ياللي كلنا من شانه

[ماضي الصبر]

اخوتي واعزائي بهذا المنتدى الغالي على قلبي اسعد الله مسائكم جميعا وااحييكم واضع بين ايديكم هذا القصيده
التي قلتها في حفل زواج العمده/ سعود ابن مهل المطردي الجعفري العنزي

املاً ان تنال اعجابكم واستحسانكم

.
.
.
سلام ياللي كلنا من شانه=جينا ومعه قلوبنا فرحانه
نعيش معه اجواء الفرح ونهني=لسعود هناه الولي سبحانه
ابن مهل من بيت عز عالي=متمركز باعلى الجبل مسكانه
من صقر ابن علي المسمى جعفر=ياجاهل بالعلم جاك اعلانه
سعود ابن بكار ماهو خافي=عمده ومن روس البلد واعيانه
اشهر من البيرق براس التبه=اللي تسارج بالحطب نيرانه
ياسعود شوف كيف الحضور الطيب=من طيب ذات اللي دعى لخوانه
والطيب ماله غير طيبٍ مثله=ياللي علومه كلها مليانه
هذا الصحيح اللي بدون مخالف=ماهو كلام اللي غدى برهانه
والهرج واجد والصحيح مجرب=يكفي عن الهرج الكثير سمانه
فيكم تشرفنا وشرفناكم=ميقافنا مايختلف ميزانه
هذه عوايدنا سلايل عايد=نافي مع الوافي ونرفع شانه
ونهين قدر اللي يبي يخذلنا=حتى يشوف مع العرب حقرانه
تاريخنا مشرق يشعشع نوره=واللي يراهني يحط رهانه
بالرمح والسيف الحدب والشلفى=صم الرمك يشهد لنا ميدانه
يشهد لنا القاصي ومعه الداني=ماهي سوالف عالم خسرانه
النومسي لاقال قولٍ تمه=وافي وكلٍ قال صح لسانه
.

[حمد الضوّي]

أخوي الشاعر/ ماضي الصبر


صح لسانك وإعتلى شانك وبيض الله وجهك
والف نعم بالمادح والممدوح

والعمده سعود يستاهل لاشك




انقى تحيه

[سالم السلمي العنزي]

صح لسانك والعمده يستاهل

[ماضي الصبر]

الاخ حمد الضوي ماعليك زود ولا هنت وشكرا لك على مرورك وتقبل تحياتي ..

[ماضي الصبر]

الاخ سالم صح بدنك وماعليك زود ولاهنت شاكرين لك مرورك ..