{{ لاغــــرابــــه }}

[حمد الضوّي]

قصيدة بمناسبة فوز/ ابوغريب العبدلي
( بالمركز الأول في افضل فكرة مجتمعيه بدولة قطرالشقيقه)
وهي مركز اريدو لتكنولوجيا المعلومات المجتمعي ودعم المشروع بمليون ريال . من اريدو للاتصالات وهو صاحب موقع التوعية القطرية الشامل.

الف الف الف مبروك ومن تقدم إلى تقدم

القصيدة

لا غــرابـه يوم تاخــذ مركــز أول لا غــرابه=لاغرابــه وانت لـ وسام المراجل صرت حــايز
المراجل ضلع شامخ وانت من قــام ورقـابه=عايــشٍ عيشة كرامه مانــت عايش باللهـايز
انــت رمــزٍ للشهــامــه والمــروّه والـــذرابه=وانــت للعزوه ركيزه من جويدات الركــايز
واجـد اصحاب الفهامه واللبــابه والنجابه=بس مثلك ياسليل الجـود هذا الوقت عـايز
انت ذيبٍ يسري بـ ليــل أبهمٍ ماينســرابه=لاهجد مــا ياخذ إلا من ثمينـات الخـزايز
لاحضر يوم السباق وشد حبله وإكـترابه=ديدنك يالعبدلي لا قمت تضفر بالجـوايز
تمم الله فرحـــتك وتعيش عمرك وتهنــابه=وكل يوم مباركين وكــل يومٍ وانــت فـايز

الشـــاعــــر/ حــمــد الــضـــــــوّي

[ابو غريب العبدلي]

على وضح آلنقآ

أستاذي والشاعر القدير والمميز ابوخالد صح لسانك وماعليك زود والقصيدة وسام على صدر العبدلي وفخر لي اتشرف بها وبك

والله يبارك بعمرك ان شاءالله وهذا ليس غريب عليك اباخالد فأنت صاحب خلق عظيم مهما اتكلم لااستطيع ان اوفيك حقك يالغالي

محبك دائما ابوغريب العبدلي

[محمد دعسان]

يستاهل العبدلي عزالله طاريه يرفع الراس
ونت جزل ي حمد ونت راع الاوله

وهاك حبه على الخشم وعيدك مبارك

[حمد الضوّي]

اقتباس:
المشاركة الأصلية كتبت بواسطة ابو غريب العبدلي
على وضح آلنقآ

أستاذي والشاعر القدير والمميز ابوخالد صح لسانك وماعليك زود والقصيدة وسام على صدر العبدلي وفخر لي اتشرف بها وبك

والله يبارك بعمرك ان شاءالله وهذا ليس غريب عليك اباخالد فأنت صاحب خلق عظيم مهما اتكلم لااستطيع ان اوفيك حقك يالغالي

محبك دائما ابوغريب العبدلي



ابو غريب العبدلي


صح بدنك وأنت والله تستاهل أكثر وقليل بحقك لماعرف عنك من الطيب
والعلم الغانم ..وفوزك يعتبر فوز لنا كلنا .. ومرورك شرف عسى عمرك طويل




انقى تحيه لشخصك الكريم

[حمد الضوّي]

اقتباس:
المشاركة الأصلية كتبت بواسطة محمد دعسان
يستاهل العبدلي عزالله طاريه يرفع الراس
ونت جزل ي حمد ونت راع الاوله

وهاك حبه على الخشم وعيدك مبارك



أخوي الغالي


محمد دعسان


أنت منبع الجزاله طال عمرك يالبناخي
وهذه حبه على راسك الشامخ وكل عام وانت بخير وعافيه




انقى تحيه

[ناجي الصقار]

.

الشاعر القدير
المبدع حمد الضوي
صح السانك وبيض الله وجهك
ومن خلال قصيدتك هذي وصلتني علوم ابو غريب
ولولاك ولولا هذه الشامخه ما كنت انا عرفت بفوز العبدلي
بيض الله وجهك و وجه ابو غريب
أسجل حضور واعجابي على الدوام
لا هنتم جميع


.