اوراقي الخريفه في الليلة الصيفيه

[بروق الشمال]

أنت بحياتي شي ثاني عن الغير
تقدر تقول اجمل حدث في حياتي

أنت الفرح أنت الوفا والتباشير
انت امنيه لاوالله كل أمنياتي

دايم افكر لو خسرتك وش يصير
وأقول دايم جعل قبله وفاتي

من قبل اعرفك ماحسبت المخاسير
واليوم شفني ماخسرتك واحاتي

أذا فترقنا بطلبك مطلب صغير
لاتزورني بين النعاس ومباتي

اخاف لاجوني طيوفك مسايير
قلطتهم قلبي تعشوا مماتي

ماقلت لك طبع الوجيه المسافير
ماتغيب وان غابت ليالي وتاتي

يعني أذا بتغيب من غير تفكير
ترجع قبل لاينكسر لك ثباتي

ولا اخذني معك من وين ماتسير
مدامك الدرب الطويل بجهاتي

لو نفترض اني وصلت السماطير
احوم حومة حر والريح عاتي

المشكله اني بلياك ماطير
لانك جناحي للمطير ونجاتي

الطيحه منك تترك سنين تأثير
من قال لك ماراح تشمت عداتي

لا والله الاطيحة الدلو في البير
ياكبرها منك الملم شتاتي

دخيلك في داخلك شوفني غير
ودخيلي لقربك قرب ذاتي

وص أنت قلبك يذكر الحب بالخير
ولا انا والله لقضب وصاتي

من كثر ماخانت غلاك التعابير
معاك احس اصدق كلامي سكاتي

لكن تعال وخل عنك المــــع ــاذير
شفني شسوي وسو عقبي سواتي

ارفع يديك لمن يرد المقادير
وردد ورايه ماتقوله شفاتي

كل عام وانت بخير وايامك بخير
وانا معاك أعيش باقي حياتي