اسعد الله صباحاتكم / مساءاتكم باليمن والمسرات
بعد غياب دام طويلا
اتي هذه اللحظه والحزن يعتصرني اقول لكم
عظم الله اجركم في فقيد الامه نايف ابن عبدالعزيز
الرجل الذي لا تصفه الكلمات ولا تفي حقه العبارات
مرثيه متواضعه كتبتها بقلم الحزن على اوراق الامل في من بعده
اترككم مع القصيده
رمز الامان
في ذمتك قلي وش اقول يافلان
والحزن في قلبي بنا له مدينه
العام نبكي حزن في موت سلطان
واليوم كل الدار والله حزينه
من بعد ما جابوا خبر عن كحيلان
اميرنا راع العلوم الثمينه
نايف ولي العهد رمز للامان
راع الخصال النادره والرزينه
قالوا توفى وهلت الدمع الاعيان
ما فيه عاقل ما اذرفت دمع عينه
تبكيك يانايف عمارات واوطان
ويبكيك شعب خايف من سنينه
انت الذي بعد الله ارسيت الامان
بسياستك يا نايف الدار امينه
كم طوعت هيبتك عاصي وشيطان
كم رجعت حكمتك غااوي لدينه
يمناك سطوتها كما السيف شامان
كم فتنة من فعلك اضحت دفينه
الدار عقبك تلبس ثياب الاحزان
والشعب من فرقاك ربي يعينه
عزي لدارِ مابها مثلك انسان
يرسي قواعدها على امن وسكينه
يارب ياللي بيدك تدبير الاكوان
ياوالي الاقدار زينه وشينه
تجزل صبر عبدالله فموت الاخوان
وتعوضه يالله بمسااعدينه
احمد وزير الداخليه وسلمان
جنود تحت امره وسطوة يمينه
صحيح نايف مات من عقب سلطان
ماتوا لكن تبقى الفعايل مبينه
افعالهم تبقى على مر الازمان
يشهد لها مجد العرب في جبينه
ماتوا لكن الدار تبقى بالامان
يافرحة العدوان مووتي حزينه
سلطان نايف نايف اليوم سلمان
والدار بامر الله بايادي اميينه
تحياتي للجميع
اخوكم
ابراهيم السلمي
23/06/12, (06:20 PM)
رمز الامان ( مرثيه )
العرض العادي
