يــاحـســيـن لـحــظــه .....

[سلطان الشامخ]

ياحسين لحظه دوبك العلم مغشوش
والوضع باقي مثل ماهو من سنيـن

لو انجلط شارون وان مات ابن بوش
وش عاد تفرق ياعرب موتة اثنيـن

الذل فينـا واصـل" حـدّ وعـروش
كل العرب من رووسها لين الادنيـن

وكوفي عنانه ذاك ابو قلب مخروش
ماعنده الا قـول نستنكـر .. نديّـن

والشعب ساكت بس بعيون ورموش
مره على بغداد .. مـره فلسطيـن

يحووول بلشوا في ميليشات وجيوش
ثـارت ثوايرهـم ولكـن مساكيـن



















قبل امس صدام العراقي كلابـوووش
واليوم سوريه وبكره على وين ؟؟؟؟؟



















ياحسين .. لحظه .. لاتجي كلك تشوش
المسألـه تنقـاس بالعقـل والعـيـن

وعينك مثل ماتشـوف طـق وفشـوش
مافيهـم اللـي فيـه ذره مـن الديـن

حاكم عرب يلقـي خطابـات مربـوش
ورئيـس دولـه ينحنـي عنـد رابيـن

قمة عرب !! او مسخره بـس برتـوش
تاريخ مـات بحجـة ارهـاب الالفيـن

وان كان قصدك بير بتـرول وقـرووش
بكـره يجـف البيـر ونصيـر مابيـن

مرّ الزمـان وسـن خنزيـر ووحـوش
ومن يـد رايـس تاخـذ الكـف كفيـن

ومادام كـل" فـوق كرسيـه نقـووش
و ......... في غبـن الايـام راضيـن

نبطي ولا شفنـا مـن العـز دنـدوش
ونبقـى كـذا طـول الليالـي ذليلـيـن

مار انت خل العلم فـي داخـل الحـوش
وامسك وصاتي باخر البيـت ياحسيـن

سلم على شارون .. ولا يهون ابن بوش
واثنـه لحكـام العـرب والسلاطـيـن

ا

	الشاعر الكبير الفنان المبدع مزيد وانا أسمحلي أبسميك شاعري لأنه وسراحتا وبدون مجاملات ياخي أذا سمعتك في أمسية والله أني انطرب مع قصيدك وطريقت ألقائك وتقبل تحياتي والسلام عليكم

[مزيد المزيد]

مالك الروسي

هلابك اكثر والف شكر على تواصلك الطيب واطرائك على العين والراس


صح بدنك ولاهنت

دمت بخير