قصيده من غير مدخال

[سعد النفج]

صمت امام شموخ هذا النص ..

صح لسانك و الله يبعد عنك الحزن

نص مبروز بالإبداع و التميز ..

هكذا اعتدنا من شاعرتنا المتألقة أم فيصل ..

لله درك و دمتي بألف خير ..

[محمد البويليد العنزي]

اقتباس:
المشاركة الأصلية كتبت بواسطة ام فيصل

يمه غديت لنبض الاحساس موال=وبنيت شعري من قساوة سنيني
تاهت بي الانثى على قلب رجال=سكنته بدمي وروحي وعيني
رضيت في حالي بما يرضي الحال=بس الزمن يلوي بضيمه يميني
لامد لي من سعدالايام فنجال=يطيح ماذقته ولاشفت زيني
تزيد حسراتي على ذيك الاطلال=يوم البراءه تسكن بمقلتيني
طفله صغيره همها لعبة اطفال=ومن شان خاطرها يهون الثميني
ماعاشت الحرمان في كل الاشكال=ولاجربت جرح الزمان المكيني
والحين يومن الجسدصار تمثال=ودروب همي للعذاب تحديني
جيتك وكل الهم في خاطري جال=ابي دفاك اليا حضن راحتيني
قلبك رحيم ومن غثى الوقت مدهال=وحروفك الي بالامل تحتويني
مابين جرح وجرح عانقت الامال=ون كان فات اليوم غيره يبيني
انا لها لوكانت حمولي ثقال=بشتالها والله لقلبي معيني
لا لا تغرك دمعة من ورى الشال=لابد بفرح واليالي تزيني
والخير يايمه ترى الخير بقبال=مافات مات ومابقى لي يجيني
جت القصيده هيك من غير مدخال=بيحت فيها مابقى من حنيني
ون مت ضامي ماسقى جوفه الال= يكفي رضاالله ثم رضى والديني

الشاعره القديره

ام فيصل

صح لسانك مليون ولايسدون أبدعتي وليس غريب عليك الإبداع
والحقيقه أنني حاولت أقتبس أبيات ولكنني أحترت أي الأبيات أقتبس فقررت
إقتباس القصيده بأكملها لإعجابي بجميع أبياتها . بالتأكيد حبكة شاعره متميزه ورائعه

مررت لإسجل إعجابي بهذه الشامخه

[أم أسماء]

قمممممممممممممممممممممممممه في جزالة القصيد ياأم فيصل

مادعاني للتسجيل بهذا المنتدى الا روعة كلماتك

كنت من الزوار المواضبين له

وبعد متابعتي لقصايدك ولا يهونون باقي الشعار

اعزمت على التسجيل

ربي يسعد قليبك ويبعد عنه كل ضيم

آآآآآميييييين

[أم أسماء]

وأحب اقولك

أحبك في الله

[سالم صالح]

الشاعرة القديرة / ام فيصل ,,

صح السانك وفكرك وادام الله نبض قلمك ابدعتي للامانة فهذا هو الشعر الراقي والمميز والذي ينساب بكل روعة وسهولة مع تماسك حروفه مع بعضها البعض فالله در ابداعاتك المتواصلة والتي تزدان بها سماء ويلان فانتي رمز للشعر النسائي الجميل

جيتك وكل الهم في خاطري جـال ابي دفاك اليـا حضـن راحتينـي
قلبك رحيم ومن غثى الوقت مدهال وحروفك الـي بالامـل تحتوينـي
مابين جرح وجرح عانقت الامـال ون كان فات اليوم غيـره يبينـي
انا لهـا لوكانـت حمولـي ثقـال بشتالهـا والله لقلبـي معيـنـي
لا لا تغرك دمعة من ورى الشـال لابـد بفـرح واليالـي تزيـنـي
والخير يايمه ترى الخيـر بقبـال مافات مات ومابقى لـي يجينـي
جت القصيده هيك من غير مدخال بيحت فيها مابقـى مـن حنينـي
ون مت ضامي ماسقى جوفه الال يكفي رضاالله ثم رضى والدينـي



لله درك وتقبلي جل تقديري واحترامي,,,,,,,,,,

[خلف الغريب]

ون مت ضامي ماسقى جوفه الال
يكفي رضاالله ثم رضى والدينـي


صح لسانك ام فيصل وقصيدة نازفة ..

لله درك ..

[عبدالرحمن الجابري الحربي]

الشاعرة القديرة ام فيصل

ابيااات جميلة لا استطيع أن اصف مابها من جمااال وابداااع

صح لساااانك وسلمت يدااااك ...