بعض البشر

[تركي صالح]

المشاركة الأصلية كتبت بواسطة سعود العواجي

بعض البشر مدري وش اللي بلاهم = تعقد حواجبهم غضب يوم أجيهم
أن جيتهم أبغى أسولف معاهم = ماكني إلا جيت أسولف ..عليهم !!
ماعدت أميز طيبهم من رداهم = ولاعدت أميز وش نوايا حديهم
لان اطيب شخص فيهم أرداهم = ولأن أردى شخص موجود فيهم!
من يوم مااعطوا للرجوله قفاهم = مافيه شخص ٍ بالمواقف يبيهم
مالوم نفسي يوم عكرت ماهم = والله لو اني صرت حسبة أخيهم
من لحم خلق الله يقـلط عشـاهم = وان جيتهم قاموا و"مشوا" يديهم !!
هم يحسبوني تو باقي ..وراهم = مادريوا أني قبـلهـم ..واحتريهم
باعوا ضمايرهم "بحفنة دراهم" = وقامت دنافيس البشر تشتريهم
مافيه شخص ً فيهم تقول : فاهم = ولافيه شخص ماسـلم من حكيهم
قردهم الله يوم زود عماهم = وانا أرجي الله فالحياه يهديهم
بالضبط شفهم يشبهون لنساهم = ولاعندهم أدنى أحترام لذويهم
وش ظل فيهم يوم ربي عطاهم = وقاموا يتباهوا..كذب !! مما لديهم
ويابدر معهم صار صعب التفاهم = وقبلك ترى بلغت ولد " الصليهـم"!!
بااروح عنهم وأتقي عن غثاهم = ويقطعني الله كان أبرجع إليهم !

القدير الشاعر / سعود العواجي

دمت ودام طرحك لهذه الرائعه اللتي تجسد واقعً ملموسً

وقد بينته في هذه الرائعه بأجمل روعه

وجمال متناهي الطرح القوي

كتبت فأبدعت لنا ما كتبته لنستمتع بقراءته ونتمعن بجمال كلماته

صح لسانك وسلم بنانك

وتقبل فائق التقدير والاحترام