وإذا يعني تضايقنا..؟
بنغير شئ؟
وإذا مات الزهر في اجمل حدايقنا
بنغير شئ؟
وإذا بهدومنا ضقنا
بنغير شئ؟
كثير نمر بعض حيان
بضيقة بال زعل صاحب
وحاجة مال
شتيمة شخص مايعرفك
عتب قارئ
ونزعل حيل نتضايق
وأذا يعني تضايقنا،،!
وأذا يعني تضايقنا
هي الضيقة بتكون الحل !!
اذا كانت شموس الوقت
تحرقنا
هي الضيقة بتكون الظل!!
اذا غابوا جميع الناس
وتفارقنا
هي الضيقة بتكون الخل!!
واذا يعني تضايقنا..!!
وكثير من التعب ذقنا
وسهرنا الليل
بيجي صبح ويفرقنا
ونبكي سيل
لين الدمع يغرقنا
ولابه شخص ف الدنيا بليا هم
أحد ضايق
سبب فاتورة الجوال
احد ضايق
عشر سنين متزوج
وربك مارزقه عيال
احد ضايق
لان البيت به صجه وزحام
أطفال
أحد ضايق
من السكر
أحد ضايق
لأنه نايم مبكر
أحد ضايق
لأنه حبها بـ خبال
أحد ضايق
لأنه مامعاه ريال
هموم أكثر من اللازم وتخنقنا
شؤال الحال
وإذا يعني تضايقنا..؟
وإذا يعني تضايقنا
من اللاشي
الى اللاشي
على اللاشي
تخانقنا
وندخل في نوايا الناس
أظن فلان يقصدني
أظن الناس هنا بالحيل تكرهني
ترانا ناس فينا كذب
وغبي منهو يصدقنا
وإذا يعني تضايقنا..!!
وإذا يعني تضايقنا..!!
إذا راحوا
وخلونا
نسوا كل الكلام العذب
بكونا
وعرفنا بــ يوم بأن كل الحكاية
كذب
ملونا
وإذا خيم علينا الليل
ماأشرقنا
وإذا ضقنا
وصار الحرف حبال في مشانقنا
بعد هذا
وإذا يعني تضايقنا..!!
وإذا يعني تضايقنا..!!
إذا هذا الزمن لبسك ثياب ف
يوم مو قدك
بتحط ايدك على خدك
وتبكي حيل
إذا هذا البحرضيق ولا يقدر
على مدك
بتحط ايدك على خدك
وتبكي حيل
إذا كل الجمر هذا عجز يصنع
عطر ندك
بتحط ايدك على خدك
وتبكي حيل
إذا خدك طبع حزنه على يدك
وعرفنا
أقول لك شئ
وإذا يعني تضايقنا..!!
وطفينا دروب النور
وعتمنا
المدن والدور
ويتمنا
شجر وزهور
وكتمنا
رقيق شعور
وشتمنا
علو السور
عشان اشياء هي الأتفه من
الأتفه من الاشياء
رجل خاين
"ماهي دوم الرجال تخون..!"
وماهو باين
وجود عيون
خيانة بنت
"ماهي كل البنات تخون..!"
لكن انت
ترفرف من تنادى لك"حبيبي
العاشق
المجنون"
وبعد هذا
وإذا يعني تضايقنا..!!
ومشوا عنا كثير اصحاب
وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنا الشيح
بعض فرقا
كثير أكرم من التجريح
بعض فرقا
تجي جية دعا وتسبيح
كثير أصحاب فارقنا ونسيناهم
كأن كانت علاقتنا علاقة وقت
مصالح وانتهت
يمكن
قرابة دم أو جيران
يمكن
تشابه هم
يمكن
واللي يهم
ما ضقنا
وإذا يعني تضايقنا..!!
وإذغ يعني تضايقنا..!!
وطيرنا فراش النوم
ومسحنا كل الوانه
وإذا سيطر على جوك حزن
ووجوم
وبديت تفسر الاشياء على
كيفك
زعلك لـ غيبة فلانة
وبنت كنت تعرفها قبل مده
وتفارقتوا وجتك تقول:
ولهانه
وبنت كل ماتحاول تصارحها بـ
أحبـــــك حيل
تستأذن:
بوح انام نعسانة
وبنت تعشق الدافي من الهرج
وتمرك حيل بردانه
كثير أشياء غلط حولك
وجوه الناس
تعبانة
قلق مدري طفش مدري تعب
مدري قرف مدري ترف
مدري الناس زهقانه
كثير اشياء
تزهقنا
وإذا يعني تضايقنا..!!
وإذا يعني تضايقنا..!!
بيهم الناس
بيخلي أحد بارد يفيض إحساس
بتصنع هذي الضيقة علاقة
حب ما بين الحطب والفاس
وإذا يعني زعلنا بيوم
لأمر ما
طارنعاس
وإذا فينا خنقنا انفاس
وحلقنا
يتغير شي إذا يعني تضايقنا؟؟
وإذا يعني تضايقنا
ماهو حتى المطر يهجر
حديقتنا
وتنبت فينا ضيقتنا
وتغرقنا سيول الملح
والدمع هو صديقتنا
ولا به شخص ف الدنيا تهمه
ضحكتك غيرك
لذا إضحك
كثير اشياء من الأجمل تحاول
دوم تسرقنا
لذا اضحك
وقول بحب
وإذا يعني تضايقنا !!
وإذا يعني تضايقنا
بهدوء أكثر..!!
وإذا يعني تضايقنا
19/08/11, (10:17 PM)
إذا يعني تضايقنا...
العرض العادي
