اقتباس:
|
المشاركة الأصلية كتبت بواسطة مطلق النومسي
أعضاء شبكة ويلان العربية
اسعد الله اوقاتكم بكل خير
هذه الفصيده بسيدي صاحب السموء الملكي الامير / تركي بن محمد بن فهد ال سعود
والذي تشرفت بالقائها على مسامعه بالحفل الختامي للمهرجان الربيعي بمحافظة النعيريه
واليكم القصيده،،،
ذعذع الغربي .. وشب الشعر نــاره = من مشاهيبي .. وأنا شــاعر مفــوّه
موهبة .. ماهوب سـرق .. ولا استعاره = ولاهو بشحذه .. ولاجــاني شــروّه
أبدعه من راسي .. إبداع بجدارة = واحتويه .. بعزم .. واصرار .. وجـروّه
ماني الأول .. لكني بالصدارة = والدليل .. إني مابين أيدي سمـــوّه
سيدي تركي مواريث النمــارة = تركــي محــمد فهــد ما احتاج أنــوّه
ماني بـحاجة لبيب .. ولا اشارة = اسـم من حــرف الردى .. نعرف خلــوّه
إسمِِ من أربع حروف .. وذا شعــاره = الشهامة .. والكرامة والمروة
تــاء .. تــاجِِ رد للطيب اعتباره = في زمن مليان .. بالطيب المشــوّه
راء .. راسِِ ما أنحني .. والعز كــاره = وانحنائه .. للولى ماهي حنــوّه
كاف .. كعــّـام العــدا .. مقباس غارة = واعذاب اللي يجي سيدي عدوه
ياء يمني للعطا فيها جســـارة = أكرم إمن الديم .. والمنشى .. ونــوه
ما تكبــّـره المناصب والامــارة = هو مكبــّـرها .. وهي تقــول .. هــوّه
حي والله هالحجــاج .. وهــالنعــارة = وحي والله من تبــع نهج النبــوّة
للمواطن منه .. لاجـا عند داره = المخــوّة ... والأخــوّة .. والأبــوّة
حــــــر ورثـــة حــــر .. والعليا قراره = ومن يجــادل فيه .. بــوّه ولد بــوّه
جعـــل يفدونه .. مماليــك التجــارة = الأمير اللي بحــبه ما نمـــوّه
حبــه من الله .. ولافيها قمــارة = في غــلاه يزيد قلبي في غلــوّه
سيدي رمز التقدم .. والحضــارة = والتراث .. اللي فتح للخيــر .. هــوّه
النعيريـــة .. مخليـــهــا .. منــــارة = وكــل عــام يزيد قــوتها بقــوة
مهـــرجان فنــون وآداب وصقـــارة = ما ادفعـــته إلا السطــارة والحمــوّة
عــوّض الصقــار .. عن فقــد الحبــارة = وقــال يا صــقار .. قــو العــزم قــوّه
يا صقاقير البلــد هذي بشــارة= سيــدي .. معطيكم العليــا .. عنـــوّه
الجوايز جـــم و المقصــد سطـــارة = ماهو بــراجي يقــال إنــه فتــوّه
ولاهو إمن اللي يعشـقـون الإثــارة = سيــدي .. مثيــــر .. حتي في هــدوّه
طنخــةِِ بالراس.. ماهمـــّه خســـاره = همــّــه الوحيــد .. مايخســر .. علـــوّه
ما نلام ليا عشقناه .. بحرارة = ولا يلام القلــب .. لازاد بــغلــوّه
وإن سمح لي سيـــدي .. بكتب عبــارة = والعبــاره امنيـــة .. والبيت تـــوّه
ليتني صقـــار .. وأمتهن الصقـــارة = وأتشــرف بالرعــاية .. مــن سمـــوّه
|
الاخ القدير الشاعر الكبير مطلق النومسي
صح لسانك وسلم تفكيرك الرائع
لانستغرب الابداع منك لانك صاحب الابداع
يستاهل صاحب السمو الملكي الامير تركي بن محمد
وانت دائما صاحب الجزاله
لاهنت وتقبل تحياتي واحترامي
28/02/06, (02:53 PM)
العرض المتطور
