انا فدى الطيب

[معيض بن عريفج]

ان جاني المطنوخ ناجي سميحان = وسويت له دلة مهيل وعودي
وبراد شاهي يقعد الراس خدران = وجاب القصيد اللي يبل الكبودي
تسوى من جنيهات الذهب عشرة اطنان = وماحاشته يمنا الوليد السعودي
وماتملكه زغر العيون المريكان = ونفط العرب كله ونفط اليهودي
مثايلن يطرب لهن كل فهمان = الوافيات النادرات الوجودي
ان جاب طاروق ن من الشعر مليان = له شرد القيفان تركع سجودي
ان مد مد الوافيه دون نقصان = وان هد ابتع من سهوم البرودي
وحمد سعد ذيب النشاما بليهان = بحراًالياموجه تحرك يزودي
ويازن بيوت الشعر عنده بميزان = تاتيه عذبات المعاني وفودي
عنده عصا موسى وخاتم سليمان = وعنده صخا حاتم بليا حدودي
والكل منهم له على الطيب برهان = ولاينهرج هرج ن بليا شهودي
انا فدى الطيب على طول لازمان = اللي به المحتاج يرقا سنودي
ومايبتني بيت ن على غير سيسان = وساس المفاخر ثبتوه الجدودي
ويلان ان عدوا هل الطيب ويلان = ان ولعت عند الفتيل الزنودي
كل عنزة عند الملاقا لهم شان = من خلقة الدنيا وعاد وثمودي
تاريخهم واضح على راس مابان = غصباً على الجاحد وخشم الحسودي
وكل القبايل لهم باطيب عنوان = في كل ديره حقها من الآسودي

[محمد بن موسى]

الشاعر القدير / معيض بن عريفج

ونعم ملايين يالغالي بك شاعرنا القدير
وبالشاعر ناجي سميحان الخمشي وبالشاعر حمد بن سعد الخمعلي
اسماء لامعه في سماء الشعر وسطرو اجمل الابيات في كافة الميادين سواً بشعر النظم او المحاورة وذكرهم يسبقهم اينما حلوو
ومهما قلت بحق هذة الاسماء اشعر بالتقصير
فجميع من ذكرت جبال شاهقه جمعو الشعر والمرجله
ولا بباقي الاخوان قصور
فلك الشكر الف يابو عريفج على ماجادة به قريحتك
ونعم ملايين بالمادح والممدوح
وادام الله الود والمحبه بين الجميع

تقبل فائق الود والتقدير لشخصك الكريم

كن بوود

[ماجد الغانم]

كفو والله يامعيض والنعم فيك مرجلة وقصيد
ابدعت بحق قصيدة جزلة

صح لساانك ولاهنت

ويستااهل ناجي وحمد هذا الثناء انا اشهد انهم يستحقون المدح والطيب

لله درك ارويتني شعراً من خلال هذا النص الرائع

دمت بكل خير ودام هذا التميز

[غموض الشمال]

صح لسانك شاعرنا القدير

والنعم فيك وبالاخ ناجي والاخ حمد

وتستاهلون الطيب والله لايغير عليكم

كل الشكر لك على هذا النص الشامخ

تقديري

[صالح الأسود الجعفري]

يستاهلون الاخوان هذا المدح
معيض بن عريفج

[محمد دعسان]

الشاعر الجزل / معيض بن عريفج
صح بدنك صح فكرك

انت جعلت لشعر نكهه والون
ورسمت لوحه فيها من شعوذه الشعر
كل جزل وجميل وانطقت حروف صامتهـ

مـــــــــــشــــــــــا الله عليك
تقبل مروري الله يحفظك

[سالم صالح]

ياهلا والله بالشاعر الراقي / معيض بن عريفج

وكفوا كفوا كفوا ملياااااااااااااااااااار دائم وانت وافي يابن عريفج ولا تجيب الا الطيب امتعتنا بالشعر الجميل والراااااائع

والشاعر المميز / ناجي الخمشي ’’’’ والشاعر المميز / حمد الخمعلي

يستاهلون المدح من رجل يقدر الطيب والطيبين وهم كفوا للمراجل والفعول الطيبة ومن شوفتهم تعرف انهم صقوراً نادره وهذا والله ماهي مجاملة ابداً ,,,,

وادعوا الله ان يديم المحبة والطيب بين الجميع وهذا مايميز شبكة ويلان العربية ,,,,,,


تقديري وودي واحترامي للجميع