محاورات من ذاكرة الشعراء العمالقه 2

[عبدالرحمن اليمني]

	محاورة بين الشاعرين معيض العجي وخلف بن هذال ________________________________________ هذه المحاورة بين الشاعرين معيض العجي الحرب وخلف بن هذال العتيبي وهي من العصر الذهبي لشعر المحاورة : معيض : يوم جابتنا اليالي ياسلام الله برده ـــــــــــ من حقوق الله على اللافي يباشر بالسلامي بشتري وأبتاع لو لي عن جبال طويق مده ــــــــ هي تجي بالوسط وان منتحي قبله وشامي خلف : البقاء بالشاعر اللي يوصل المكيال حده ــــــــــ عالم ٍ يحفظ كتابه مع مفسرة الحلامي من جبال طويق حتى تنتهي في بحر جده ـــــــــ البلاد بلادكم والأصل يعرف بالأسامي معيض : ما يهون التاجر اللي يعطي الطلاب سده ــــــــــ مايبور بعملته لو دونها عشرين عامي الوفي يافي ليا جاب الوفى خاله وجده ـــــــــ ويش بصرك بالجمل شقران مردوم السنامي خلف : أكثر التجار خسروا بالسنين المستجده ــــــــــ والسبايب يالعجي خلط الحلال مع الحرامي الجمل شقران يبرك والوسيمة فوق خده ـــــــــ قادها اللي قادها لين لحقت مخ العظامي معيض : الحكيم ليا بنى بني الشرف ماقط هده ـــــــــــ والعرب تعرف شعاع النور جلاي الظلامي أنت ياللي جبت لي العلم في طرقتك وده ــــــــ قالوا انك ياصليب الراي ميبوس الحزامي خلف : أنته الرجل الحكيم اليا تلووا بالأشده ـــــــــ والعرب تارد على الحجه مثل ورد الحيامي مانودي علم مابرق عميلي في مرده ـــــــــ العلوم محدده ومعقدة وأفهم كلامي معيض : أنت متحكم وسيف ذياب تدري ليش حده ـــــــــ والعرب نامت ونقال الوداعة ماينامي العرب كلٍ فصل ثوبه على طوله وقده ـــــــــــ غير ذاك اللي مرامه مايوافق مع مرامي خلف : خابر انه يوم حده للبلاوي دوب ضده ـــــــــ علم اللي ماتفيد إبه النصايح والعلامي أشهد الوقت يامعيض العجي ماعنه صده ـــــــــــ بس لو أحركه يزعل خوالي مع عمامي معيض : تدري اني كد نصحته قبل يظهر حشو بده ـــــــ مير عاصاني وطاوع ولد أبو عليا التهامي وبالمناسبه : الشاعر معيض العجي من كبار الشعراء إلا انه لم ياخذ حظه من وسائل الإعلام وربما يعود ذلك لكونه من عدة سنوات شبه منقطع عن المحاورة لكبر سنه وقد قال قصيدة في ذلك منها قوله عن الملعبة طرى عليه حب كاملة الأوصاف ــــــــــ مولعة راع اليمن والشمالي ياما سريت إلها اتحذرف تحذراف ـــــــــ وبديت واجبها على أم العيالي وياما بقيت لطلعة الفجر وقاف ـــــــــ ماكني إلا فوق قطن وزوالي واليوم شبت وشفت بالركب الإنكاف ـــــــــ وسلمتها يمنا الرفيق الموالي سلمتها يمنا رجاء الله وصياف ـــــــــــ عوق الخصيم انكان حل الجدالي اللي مواقفهم إلى جات تنشاف ـــــــــــ لا جاء نهارٍ فيه مثل القتالي وعلى المحبة نلتقي وشكرا للجميع