الشعر يبغى واحد يفضي له ... - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**صالح السالم** · 30/01/11, (02:53 PM)

سلامه الجعفري

صح السانك

وعز الله انك تقدح من راس شاعري

جميل كل ما تكتب وانت شاعر غني عن الاشاداة ولك مكانتك الشعريه

تقبل مروري

**سليمان مفضي العنزي** · 30/01/11, (08:01 PM)

ياسلام والله انك شاعر ياسلامه سواء كنت فاضي او مشغول

الله يعينك على على اداء عملك ويجيزك خير

عزالله انك ابدعت في ماكتبت

صح لسانك

**سلامة الجعفري** · 01/02/11, (12:08 PM)

اقتباس:

المشاركة الأصلية كتبت بواسطة محمد بن موسى

الشعر يبغى واحد ٍ يفضـي لـه

يعني على ماقيل جـوه رايـق

سلامة الجعفري

صح السانك واعتلا شانك يالغالي

ونبغاك دايم رايق حتى تروينا شعراً وعذوبه

لله درك اخي سلامه على هذا النص الرائع

وصح منطقووقك ياسلامه

فعلاً ..

والشعر هو ياتيـك ماتـي لـه
وان مااغتنمته مايعود مسايـق

دمت ودام تواجدك

محمد موسى

حضورك شرفني

صح بدنك وارتفع شانك

اشكرك على جميل ثنائك ومرورك

دمت بخير

**سلامة الجعفري** · 01/02/11, (12:10 PM)

اقتباس:

المشاركة الأصلية كتبت بواسطة نايف هويدي العواجي

الشعر يبغى واحد ٍ يفضـي لـه=يعني على ماقيل جـوه رايـق

لا ولع الهاجـوس لـه قنديلـه=افضى على الاوراق ماهو ضايق

هـذي يعدلهـا وذاك يزيـلـه=حتى تجي في حسب ماهو تايق

وانا مشرشح من رداة الحيلـه=ويعوقني عـن الكتابـة عايـق

مافيه صبح ٍ جاك يطـرد ليلـه=الا وانا فالـدرب دايـم سايـق

كـداد والكـداد ياعـزي لــه=ماهو لآفـاق القصيـده فايـق

كداد مايطلـب ثمـن توصيلـه=اجهم ولو لي خاطـر متضايـق

عندي دروس ومنهج استوفي له=وطلاب في باب المديـر توايـق

اكبهم من شان شعـر وشيلـه=هذا صراحه عذر ماهـو لايـق

مـار البـلا ياعادليـن الميلـه=وانا على التعبير مانـي طايـق

يمرني مطلـع ولا اراعـي لـه=وياخذ ثلاث ايام وهـو يهايـق

واليا فضيت وجيت ابي تكميلـه=قال ابتعد للهجر كم لـي ذايـق

ذق من عميلك مثل ماتعطي لـه=ويروح عني مايحوقـه حايـق

قبل ثـلاث ايـام قمـت اخيلـه=جاني وله موضوع جدا شايـق

جاني وهو زاهي بلبس إكليلـه=ومن خلفه خيول ٍ تصد البايـق

اشرت له بعديـن هـو وخيلـه=بكره امخمخ لك وتاتـي سايـق

والشعر هو ياتيـك ماتـي لـه=وان مااغتنمته مايعود مسايـق

البارحـه روقـت وانـادي لـه=لكن عني حط حولـه طايـق

يالربع مابه واحـد يومـي لـه=اغديه يرجع دام جـوي رايـق

وسلامتكم

صح لسانك
جــزل في طرحك
لا هنت على ما قدمت بين ايديناء من ابداع
قصيده كامله وقويه
من شاعر مبدع ورائع في كتابته
لاهنت
تقبل تقديري واحترامي[/quote]
صح بدنك يالعواجي

والله لايهينك والابداع والروعة هو مرورك العاطر

لك الود والتقدير والشكر

**سلامة الجعفري** · 01/02/11, (12:13 PM)

اقتباس:

المشاركة الأصلية كتبت بواسطة بندر السديري

سلامه الجعفري
صح السااااانك اخووي
ولاهنت على هاالرااائعه
يعافيك ربي
تحيااتي

بندر السديري
صح بدنك والله لايهينك

والروعة بحضورك

شكرا لك

**سلامة الجعفري** · 01/02/11, (12:16 PM)

اقتباس:

المشاركة الأصلية كتبت بواسطة سالم صالح

كداد مايطلـب ثمـن توصيلـه

اجهم ولو لي خاطـر متضايـق

عندي دروس ومنهج استوفي له

وطلاب في باب المديـر توايـق

اكبهم من شان شعـر وشيلـه

هذا صراحه عذر ماهـو لايـق

مـار البـلا ياعادليـن الميلـه

وانا على التعبير مانـي طايـق

يمرني مطلـع ولا اراعـي لـه

وياخذ ثلاث ايام وهـو يهايـق

واليا فضيت وجيت ابي تكميلـه

قال ابتعد للهجر كم لـي ذايـق

ذق من عميلك مثل ماتعطي له

ويروح عني مايحوقـه حايـق

ياهلا بالمبدع والرائع،،

سلامة الجعفري

انا الحقيقة ماراح اتكلم عن جزالة النص وجماله لانه مايبي له كلام ابدااااع وجزالة واتقان

لكن حبيت اتكلم عن وصف حال الكداد والله كلنا ياسلامة بالهواء سواء يعني كانك تتكلم عني وانا اخوك لا وابشرك فيه كم وااحد على هالحالة ههههههههه تشوفهم يفوتون بويلان

راااااااااااااااااااااااااااااااااااااائعة وجزل دائما ياسلامة

تقديري وودي والله يفكنا جميعاً من الكد بخير وصحة

سالم صالح

الله لايهينك واهلا وسهلا بك

وشكرا لك على ثنائك على الابيات

والروعة بحضورك

تحيتي واجاب الله دعوتك

**سلامة الجعفري** · 01/02/11, (12:20 PM)

اقتباس:

المشاركة الأصلية كتبت بواسطة جائز المليحان

الله عليك

الله عليك يا سلامه

وكل النص في كفه
وآخر بيت في كفه

اشهد بالله ان جوك رايق

واشهد بالله انك بهالنص بيّنت شي ماقد بينته
واشهد بالله ...<< الظاهر اكثرت الاستشهاد
ههههه

ولكن حسيت بنفسك وانت تكتب
فلله درّك

وعسى جوّك دوم رايق

اخوك ابو احمد

جائز المليحان

يالله حيه وحضورك يخلي الجو رايق والمنتدى رايق

اشكرك ولاهنت على ثنائك الجميل

تدوم بخير