يـا الشمـاليه !

[نايف هويدي العواجي]

المشاركة الأصلية كتبت بواسطة سعود العواجي

الشعر "قوس ً " مايعطى غير بـاريّه = إحساسه " السهم " و" النشّاب" قافيـّه
اما رمى شاعره في معمعة طرحه = وإلا ذخر له معانيه الجماليه
والناس تفرق مابين الزين ..والسئ = وبه فكر "فارق" وفيه افكار "سطحيه" !
وآنا ليا هب "فكر" ومالت آغصاني = طيـّرت له من " غصون البال " ..قمريه
شديت قافه ..وسرّيته ..وجهّزته = كله علشان عينك يا"الشمـاليه "
يا دم عرقي ويا ساسي وياناسي = ياللي ظهر لك مابين الخلق .. شعبيه
محبتك غير .. وانتي غير .. بعيوني = ويكفي احبك محبه .. لا إراديه !
تدرين وشلون ؟ كل مايبتعد نورك = من دون ما اشعر عليك أكرر الجيه
اهلك لامن طروا لي يرتفع راسي = يا حيّ والله أهلك وحي ّ طاريه
تشاقلوا الطيب حتى وصلوا صيتك = ومن دونهم ماظهر لك "صيت" مو ليه
نعمين فيهم من اصغرهم اليا اكبرهم = رجال تفرق نهار "الحرب" و" الهيه " !
"عبّادة الطيب " طيب الساس والمجنى = اللي من سنين دايم نارهم حيه
يازين مدح ٍ يجي من طيبة الخاطر = وياشين مدح ٍ يجي من شان عانيه
لذا خفوقي هو اللي سيّر لساني = وخلاني امدحك غصب بكل عفويه !

صح لسـانك حـتى ترضـاء يا شاعرنا الراقي سعود العواجي
كل حرف كتب بمـاء الذهب
شاعر لا يحتاج للشاده لنـه اكبر من ان يقـم مني
لاهنت على هذه الشــامخه
تقبل تحياتي وخالص تقديري