°ღ°♫╣روحي بلقاك إتفزّ فزّة حمامة╠ ِღ °

[مشاعر شآمخه]

ازيكم ازكم
مشاعر تسلم عليكم كلكم
المهم
انا اليوم مواصله عزي لراسي
قام يرقل كني عويجيز من جهمت الله وهي راكبتن ام عزيز
وحاطينها بالحوض وهات يامطبات البر وهي تعاني
من التقمز والتجدع يمين نوب يسار
قلت يابنت ارقديلك
لو نصف ساعه اقلها تريحين اعصابك شوي
ماقدرت حظرت الريوق
و
احرقت التوست يشيني على ذا الحركه
مير فيني رقاد الصباح واضني اخذت لي غطة لمدة ثواني
كانت الاثار حقتها احراق التوستات
رحت غرفتي وافتح الدولاب
وانا
مندمجة ماسمعت الا الهمس الصدق لو فيه مكان غير الدولاب
كان زبنته لاكن مايمدي اقرب شي الدولاب
تروعت تروعه مالها مثيل
الايوم اركض من روعتي من فيش المكيف
ولاردني الابيت جيراني
اركض يومها واقول لمستني الكهرباء
تخيلو الناس جالسه بالغرفه ولالمسها الا انا وانا عاد توي شفت الشراريعني مادخلت الا الان
عقبها قعدت اسبوعين متفشله من ذا الزبنه الي لاراس ولارجلين
المهم
بعد روعتي اليوم انرقع صوتي وهو عذي بليا
الله يصلح الولد كل اليوم يطالع ويضحك ماما منو فيه غيرنا بالبيت وراك تروعين كذا
عاد انا يقالي معصبه عليه
اسمع ماتكلمني الين باكر انا زعلانه عليك
والله ياماما مقصد
عاد انا ساحبتن الدلع عليه مابي والله ماكلمك اليوم تروعني وانت تدري اني اخاف
والحين تقول ماتقصد خلاص ماما خوذي البريك ونتصاحب
لا
طيب خوذي الكود رد والبريك سوى يالله عاد والله مقصد
خلاص انا بصاحبك لاكن بشرط
اخذ الكود رد والبريك
تروح تشتري مالي شغل
هنا وصلنا لحل سلمي وصفينا النفوس وكسبت بريك وكود رد وصوت مرقوع من الروعه