ياشينـهـا لاشـفـت حـبــك مـــع الـغـيـر
وردة حـيـاتــك سـاكـنــه فــــي حـيـاتــه
يقـطـف مــن ازهــار الحديـقـة نـواويــر
ويــشــم عــطــرٍ بــاقــيٍ فــــي سـبــاتــه
وانــتَ عـلــى حـــر الـجـمـر والتفـاكـيـر
مـابـيــن اهـــــات الــزمـــان وعـصــاتــه
تـعـزف عـلـى لـحـن الالـــم بالمـزامـيـر
ويـــــردد الاحــســـاس فـيــكــم عـــزاتـــه
هــــذا انــــا والـقـلــب والـثــالــث يــذيـــر
طـيــر الـبـعـاد الـلــي يـرفــرف شـتـاتــه
كنـي غـريـقٍ فــي وســط جـمـة البـيـر
يـرجـي الـسـلامـة مـيــر قـــرب مـمـاتـه
ياشيـنـهـا واجـــد عـلــى قـلـبـي تـغـيــر
غـــارت رمـــاح الـبـعــد هــــزت ثـبـاتــه
ينزف وجـع مـع ويـل واصـوات تزفيـر
وتـســمــع شـرايـيـنــي تــــــردد نــعــاتــه
مـالـي عـلـى نفـسـي جــلادة وتفسـيـر
سـلـمــتــهــا مـــابـــيـــن دورة رحــــاتـــــه
اســـوج رجـلــي للـفـضـاء ودي اطـيــر
وابعـد عـن عـيـون البـشـر والشمـاتـه
اضيـق والضيقـة تـجـي حــزة عصـيـر
الـــيـــن مــايــومــي تــقــوبــع عــبــاتـــه
يوم الخميس اللي على القلب تعزير
قـطـع عـــروق الـجـسـم بـيّــن خـفـاتـه
كـلــه غـــلا لـعـيـون شــيــخ الـغـنـاديـر
الــلــي خــــذا قـلـبــي وثــبـــت غــلاتـــه
حتى نهـب عقلـي وانـا اشوفـه يسيـر
اتــبــع خــطــى وده واتــابـــع خـطــاتــه
يومـه مشـى حكـم القـدر لازم يصـيـر
والـدمــع وادع مـــع دمـوعــي وصـاتــه
مبـروك ياحـبـي عـسـى ايـامـك بخـيـر
وجعـل السعـادة ضحكتـك هـي نبـاتـه
باقـي علـى عهـد الوفـاء خــذ تقـاريـر
مـــن قـلـبـي الــلــي مـايـغـيـر صـفـاتــه
واذا بـغـيــت اثـــــار حــبـــك بـتـصـويــر
هـــذا تــــرى جـسـمــي وبــاقــي رفــاتــه
سالم صالح العنزي
06/01/11, (09:57 AM)
طير البعاد
العرض العادي
