بعضاً من (أنا)احساس (احساس قلم)

[احساس قلم]

لا تسأليني شفيك مدري شفيني
ضايق واسولف للسما وانزف انفاس

ما كني اللي كنت اسابق سنيني
عشان اكون بعيني اطيب الناس

احيان ابيني شخص عيّا يبيني
اصدق من انه يعتذر لي بـ لا باس

واحيان اجيني وانتظر من يجيني
حتى لو انه حاطب ضلوعي بفاس

صرت اتلفت لا جات عيني بعيني
صرت انتفض لا مرني طاري الياس

حتى الكلام اللي يعرق يديني
صار يتمنن في الليالي وانا حاس

انه كفر بي قبل اكفّره فيني
وانا اعتبرته جلد وايامي لباس

ودي لو اصحى يوم فاقد حنيني
وما عاد فيني للمدى ذرة احساس

يمكن اقدر وقتها احتويني
اقلها ما انصدم بـ اقرب الناس !

[احساس قلم]

لو شفت ..مشهد ذبول الكون في عيني !!
........ ماكان رحت ، وقدرت الحين تنساني
تدري وش آحس .. لا شمّيت يدّيني
........ آحس .." عطرك " يذّكرني ب/حرماني
شكراً على "الجرح " ، لكن بينك وبيني :
......... مافيه جرح ٍ .. كثر هَـ الجرح : بكّاااني