بيّـاعت الشيمه نفوس الحصاني

[محمد المقبل]

المشاركة الأصلية كتبت بواسطة خلف المحدى

هذه القصيده كتبتها
لما نراه هذه الأيام من انتشار ظاهرة مكاتب تأجير الشعراء
.
.

شاعر وأغني بالمعاني وغنيّــت=ولا آخذ ثمن بالأمسيه للمعاني
وليادعاني داعي الطيب لبيّــت=لبيت دعوة طيبٍ لادعاني
في عز نفس وللمعالي تعليّـت=ويبقى مكاني فوق يبقى مكاني
أعيش عيشة حر في وين ماجيت=ولاني من اللي يتبعون الهواني
مترفّعٍ للمهزله ماتدنيت=ولأجل التكسّـب مااستيجر لساني
من شان كسب المال ماأجّـر ولابيت=لو كنت أعاني عوز لو كنت أعاني
عن مايهين النفس والقدر صديت=أموت ماأقبل للكرامه إتهاني
الشيمه الشما عليها تربيت=أحيا وأموت ولايزلزل كياني
أموت جوع وعالي الراس والصيت=ولا أذل نفسي للبخيل الهداني
لو كان من مر الزمان استحسيت=أصبر وأعز النفس عن شي ثاني
ماأهين قدر النفس لو كان مريت=بظروف مال وفي ظروف الزماني
عن المبادي والقيم ماتخليت=شاني ويبقى طول الأيام شاني
شاني وقدري غير قدر الهتاهيت=اللي هدفهم دان ياليلا داني
خوّانت الذمـه هل البغي والهيت=بيّـاعت الشيمه نفوس الحصاني
وأختامها على أفضل الخلق صليت=إعداد من صلى وصام رمضاني

خلف المحدى الغبين الفدعاني العنزي

خلف المحدى الف نعم فيك

وياهلا ويامرحبا بك وبحرفك الجزل

وصح لسانك على هذه القصيده التي يسمو بها الفخر والعزة بالنفس.

لو كان من مر الزمان استحسيت=أصبر وأعز النفس عن شي ثاني

عشت شامخاً عزيز النفس دائماً أرجو تواصلك الدائم