ضواويه عدالة الحق وأنا مال

[عبدالكريم العنزي]

هذه قصيدة الشاعر الكبير / عبدالله بن مسيب الجروان العنزي الذي اللقاها في حفل قبيلة الضواويه

بمناسبة تعين / منقل بن مرسال الضوي العنزي معرف لقبيلة الضواويه

السلام ياربعاً عزيزين وجزال = عداد ماهب الهواء بالدرايش
لك الفخر في ربعك يابن مرسال = يوم عملوا لك يالسنافي رشايش
تستاهل التشجيع ياطيب الفال = ياشوق من تزها جديد الغوايش
ربعك هل التاريخ في ماضي الأجيال = عزوة ضنا محمود ماهم خشايش
ضواويه عدالة الحق وأنا مال = يفدونهم أهل القلوب الغشايش
أهل النفاق اللي على قول مايقال = أهل النمائم مثل سم الهوايش
ربعك اذا حصل اللقاء كلها أبطال = فوق المهار مرفعات العرايش
ياما ثنوا من دون زينات الأبهال = اذا هرب وقت اللقاء خطو هايش
اهل الكرم ماهم بخالاً على المال =اذا نهزم راع الضلوع الهشايش
هم والسهول اذا بطل كل عذال =أفعالهم بالطيب ماهو نوايش
وصل الرحم موجود لضعوف الأحوال = أهل الصخاء منوة قليل القوايش
للجار مرباعاً وللضيف مدهال = أهل الهقاوي شاربين الحشايش
ماهي حشايش وقتنا شرب الأنذال= هيلاً وبنه والنواضر بشايش
وانا أشهد أن الطيب من طيب الأعمال = وطيب الجماعةيجعل الرأس طايش
أنا أحمدالله جاني الختم بلحال = حسب نظام الحق ماهي غبايش
الختم مايستاهله كل رجال = الاالرجال محللين البلايش
وصلاة ربي عدماهل همال = على بني الحق لمن كان عايش

معرف قبيلته في الحفائر


عبدالله بن مسيب الجروان العنزي

[محمد المقبل]

الف نعم في الضواويه يستاهلون المدح في كل النواحي وصح لسان الشاعر الكبير عبدالله بن مسيب

ولاهنت اخي عبد الكريم على نقل هذه القصيده الجزله ونفتخر بكل ماجا فيها من مدح

ودمت

[مزيد المزيد]

صح لسااااااان ابوهزاع وابن مرسال يستاهل كل خير



وسلمت يمينك على نقلها


دمت بخير

[محمدعايدالجعفري]

والله ونعم فيكم تستاهلون المدح يا اهل الطيب
والف شكر لشاعر عبد الله بن مسيب

[مشهور الرشدان]

ونعم بـ عنزه كلها وصح لسان ابن مسيب على هذه القصيده
وشكرا اخوي عبد الكريم على هذا النقل

[سعود المسعودي]

والله ونعم فيكم تستاهلون المدح يا اهل الطيب
والف شكر لشاعر عبد الله بن مسيب