[poem=font="Traditional Arabic,6,white,bold,normal" bkcolor="black" bkimage="" border="double,10,seagreen" type=2 line=0 align=center use=ex num="0,black"]
الشعر ماهو لا مسلسل ولا فلم = نبع الشعور بصدق بوح وذرابه
المعنى خال القاف والحرف له عم = والوزن له مع الثلاثه قرابه
والجرح ســّيـد وأن حضر قيل له سم = مدري قرابة دم والا نسابه
والشاعر اللي بينهن صار ملــُهم = يصدح على سجع الغنا والربابه
نوبً فصيح لسان وأحيان مبهم = وأحيان مابين الطرب والعتابه
الشعر نوض بروق وأحيان مجهم = وأحيان مايعرف حــدود الغـرابه
أحيان يفرج هم وأحيان هو هم = وأحيان جامع للفرح والكآبه
كم يسمع الشاعر صدى قول تسلم = وكم يعجبه لون الورق والكتابه
وأن جيت أعــّدد كم ؟ ياكثرها كم = بـس الصحيح الشـعـر زاد الغلابه
05/10/05, (02:57 PM)
العرض العادي
