الشعر منطق عذب ..وملامس احساس

[أبو غرام]

المشاركة الأصلية كتبت بواسطة صالح السالم

الشعر منطق عذب وملامس احساس=ولفت انتباه بفكرة اللي بناها
كلمه .. ولكن نوب تاتي من الماس=واحيان تخجل من سمعها وقراها
ويضرب بها .. واشد من رمح جساس=وتظهر بها طيب النفوس ونقاها
وترفع عزوم القوم لا دقت اجراس=وتطحن رحى حرب وفتن من صداها
حكمه..وتاريخٍ مدون .. ونبراس=ياما اختفى ليل الجهل من ضياها
ماله حدود ولا نهايه ولا قياس=سفينةٍ ربانها اللي قداها
وش حركت بك نخوة الراس يـ ادباس=غير البيوت اللي بعيداً مداها
والشعر لو انه مخلد وله ساس=قامت به انواع الحناجر تباهى
في سوق سوداء دون ميزه ومقياس=وهذاك سايمها وهذا شراها
لو لبسوه ابهى الجواهر والالباس=بدد تصناع المشاعر حلاها
حتى تنافسهم على بنك الافلاس=ما طور الكلمه ولا مستواها
لا باس يا عشاق الابداع لا باس=افضل تصير النادره في خباها

الله عليك اخوي صالح السالم

وياهلا بك من بعد غيبه يالامير

ومدخل للشعر وتفصيل وحتى المخرج

ابداااااااااااع

فلله درك ما حييت وصح لسانك ولا توفي

اخوك ابو احمد