ليّه ثمان سنين في عبرتي غاص..!!

[مشاري بن فالح]

السلام عليكم

جديد هاجس الحرمان .. متواضعه تقبلوها كما هي ...

:
:

:

ظلمه طريق الحب يقطع مماشيه=مسكين منهو يعشق اليوم بخلاص
الحب عاتي والمتيم طبع فيه=خلص حياته تحت الامواج غواص
ليّه ثمان سنين في سكة التيه=ياما سقاني هجرك المر بقلاص
طقّ وتشظــّى خافقي في محانيه=وصار الشظى وسط المعاليق قصّاص
طير الفرح ماحام لا تسألي ليه؟=الحزن صاير في حناياي قنّاص
ياهاجره مالك عليه مشاريه=دمعات عيني لا تظنينها ارخاص
نيران بعدك دمعي ياكود يطفيه=البعد كافر والوصل سيف ابن عاص
حتى الهواجس تشتكي لي لياليه=اصغرهم اللي من سبب غيبتك ناص
لو ما تجيني اسمك اليوم ابمحيه=وان عاد لك قلبي لقطـّعهْ أنصاص
(اللي يبينا عيت النفس تبغيه)=شطرن (ذكرته) جيت ابهديه لك خاص
ملعون ساس الحب ماعدت انا ابغيه=ليّه ثمان سنين في عبرتي غاص

الشاعر : مشاري بن فالح البدري العنزي ( هاجس الحرمان)

:
:

[مشهور الرشدان]

ظلمه طريق الحـب يقطـع مماشيـه
مسكين منهو يعشق اليـوم بخـلاص

هاجس الحرمان صح لسانك مدد بلا عدد شاعر مبدع اروع مطلع قصيده قريتها في حياتي لله درك يابطل وانا فخور جداً ان في شاعر مثلك ينتمي الى هذه القبيله
تقبل مروري دمت بوود

[سلامة الجعفري]

طير الفرح ماحـام لا تسألـي ليـه؟=الحزن صاير فـي حنايـاي قنّـاص

الله الله

اعجبني هالبيت لو الابيات تستحق الاعجاب

صح لسانك ملايييييين يامشاري

تقبل مروري

[هيـاا العـازمـي]

.
.
.

مشاري بن فالح

وعليكَ السلام ورحمة الله وبركاته

أُحييك على هذا النزف الجميل

والذي ارتقيت به الى مراتب الإبداع والجزاله

فعلا حضورك مميز لأن لديك بصمة خاصة تستحق الاعجاب والاحترام

يصح لسانك وبوحك وفكرك

وأبعد الله عنك الاحزان والدموع

تقديري

هيـــــاااااا

[بدر الخلاوي]

اخوي الغالي مشاري بن فالح صح لسانك واعتلا شانك وسلم كيانك


شاعر مبدع وجزل وشهادتي فيك مجروحه ومذبوحه


مبدع مبدع مبدع بشاهدة الجميع دام ابداعك ودام وجودك


حبكه شعريه من النوع الفاخر


ودي وتقديري واحترامي لشخصك الراقي

[سالم صالح]

مشاري فالح

صح الساانك قصيدة رااائعة وشاعرية فذة


تملك الابيات الجزلة والفكر النير


تقديري وودي

[سليمان مفضي العنزي]

مشاري فالح

يتجدد الابداع دائما بحضورك ..

لله درك وصح لسانك دائما