:
:

ظلمه طريق الحب يقطع مماشيه=مسكين منهو يعشق اليوم بخلاص
الحب عاتي والمتيم طبع فيه=خلص حياته تحت الامواج غواص
ليّه ثمان سنين في سكة التيه=ياما سقاني هجرك المر بقلاص
طقّ وتشظــّى خافقي في محانيه=وصار الشظى وسط المعاليق قصّاص
طير الفرح ماحام لا تسألي ليه؟=الحزن صاير في حناياي قنّاص
ياهاجره مالك عليه مشاريه=دمعات عيني لا تظنينها ارخاص
نيران بعدك دمعي ياكود يطفيه=البعد كافر والوصل سيف ابن عاص
حتى الهواجس تشتكي لي لياليه=اصغرهم اللي من سبب غيبتك ناص
لو ما تجيني اسمك اليوم ابمحيه=وان عاد لك قلبي لقطـّعهْ أنصاص
(اللي يبينا عيت النفس تبغيه)=شطرن (ذكرته) جيت ابهديه لك خاص
ملعون ساس الحب ماعدت انا ابغيه=ليّه ثمان سنين في عبرتي غاص

:
:

.
.
.