اوراقي الخريفه في الليلة الصيفيه

[بروق الشمال]

((بعض من نزف حروفي ))

سر ياقلم واكتب تعابير بثمان=من دق مجمول الكلام وجزيله
بنتك يبه لا ميغيرني انسان =لو كثروا النقاد دايم اصيله
ياللي تحسب ان الامر صار منشان=تجر في مشهى كلامك نقيله
تقول قول وتنشره وسط الاخوان=وتعظم اصغار الامور الهزيله
لا واخساره هقوتي فيك يافلان=كنت احسبنك من كبار القبيله
بان المخبا واصبح الامر منبان=وبانت سراير مدعين الفضيله
خسران من يتبع خظا الشين خسران=وربحان من يبعد ولا ينتميله
يافلان عندي لك تمثايل قيفان=قيفان بيتن نكتبه من حصيله
اصل الثراء داني للقدام منهان=واصل الثرياء ترتفع للمخيله
في مثلهن شبهت الناس بشان=ناسن لها الواطي وناسن كميله
رجلن يجي مثل المطر سكب هتان=ورجلن يجي ناقص فعول وهبيله
بنتن تجي صعبة عسف مهر لحصان=خيالها صعب الامور يعنيله
وبنتن تجي ناقص عقل خف ولسان=خيالها سهلات الارياء تهيله
وانا انا بنتك يبه واخت راكان=مترفعه عن كل سقط وفشيله
ارقى قمم ابني وطن اصنع انسان= معربت جدين بنت الاصيله
هذا جوابي يالبناخي علشان =تفطن لحدك من قبل لاتجيله