اما نكون ليا حكينا سلاطين .. والا ..........

[ناجي الخمشي]

تسمح جميـع الأنظمـه والقوانيـن=من دون شعري مـا تعقـل ركابـه
اما نكـون ليـا حكينـا سلاطيـن=ولا التـراب اولـى يجمـع ترابـه
يا مرجح عقول البشـر بالموازيـن=شاعر فحل واملك فنـون الخطابـه
وحروف شعري من سيوف وسكاكين=بالمحتفـل والا نـهـار الحـرابـه
ياما غرست بروض فكري بساتيـن=وانا الثمـر ينبـاع ماخـذ حسابـه
بعيويني انس وفي خفوقي مجانيـن=وانـا سليـل المرجلـه والذرابـه
يعني صلاح وجيت احرر فلسطيـن=ماهي بـروق ولارعـود وسحابـه
ياهل الصحابه والقلـم والعناويـن=اسهل سؤال اللـي تركتـوا جوابـه
اعظم هل التوحيد والا هل الصين ؟=والا الحضاره غيـرت وجـه طابـه
والا تلاعب بالسياسه علـى الديـن=والا الزمـان ودورتـه وانقـلابـه
والا الحقايـق همشوهـا مهمـيـن=والا غدا شرع الدول شـرع غابـه
والاغديـنـا كلبـونـا مساجـيـن=والا اختلف وجه النظـر والتشابـه
والا أمةٍ صارت ضعوف ومساكيـن=والا دمـار عقـول مـا ينحكـابـه
والاضياع امه على لسـان مفتيـن=والا عشقنـا لـطـرب والدعـابـه
والامولفـت القصـص والدواويـن=ولا عاد نسمع غيـر نبـح الكلابـه
والا الدلع فطـر قلـوب البعاريـن=كبر الجحش ويقـول مامـه وبابـه
والا انحطاط بكـل معنـى وتمكيـن=ولا عـاد يوجـد بالخليقـه رتابـه
و الا اسئله تطرح ولا به مجيبيـن=كـم مـن سـؤالٍ مالقينـا جوابـه
الله يـا غـزوة بـدر قبـل حطيـن=والله يـا صـورة حيـاة الصحابـه
درستها يوم المدراس مـن الطيـن=وحبيتهـا حـب الشهيـد لصوابـه

قصيده تعبر قارات ساحة الشعر

من اسطورة الشعر محمد العاند

نفوذ شعر بكل ادواته شاعر متمكن بجواد الشعر الاصيل

يمتطي المفرده بكل ادراك كل بيت يمثل قدره هايله

بعتلا هرم الشعر الاصيل اين اهل الشعر اين اقلام الادباء

اين الاعلام عن هذه القامه الشعريه اين اصحاب القنوات الفضائيه

اين الواسطه التي اوصلت اقزام الشعر الى القمم ومنابر الشعر المزيفه

نبقا في انتظار جديد محمد العاند لكي نرتوي شعرمن نوع خاص لا يجيده

سوى المميزون

صح لسانك

تحياتي