مرثية الشاعر عبدالله عشوي بأبنه ياسر - °~*¤®§(§ شبـــكة ويــلان العـربـيـه §)§®¤*~ˆ°

**عبدالله عشوي** · 31/07/10, (03:32 PM)

هذه المرثيه
لشاعر عبدالله عشوي العنزي بأبنه المرحوم
ياسر عبدالله
البالغ من العمر 18 عام
نرجوع من جميع أعضاء وزوار هذا المنتدى الشامخ الدعاء للفقيد
ان يعوضه الله عن شبابه بجنات النعيم
كتابت : بدر عبدالله

يالله سألتك جميل الصبر ياوالي=انت المعين بشديد الكرب واهواله
روحي تقطع من الحرقة على غالي=غالي وفي مهجة الخفاق منزاله
ياتل قلبي عليه ويابرى حالي=وياحزن نفسي عليه وحشة اقباله
ماغاب عن دمعة عيوني وعن بالي=ابيكه وله وجنتي بالدمع سياله
الله اكبر وجيت الضول من فالي=ياساتر استر وانشد منهم عياله
وقفت مفجوع اشوف الحادث اقابلي=واقول وينه وادق ارقام جواله
الله اعلم بجوفي هول زلزالي=كن الخبر طاحت على صدري اجباله
اذكر ايديني وعني طشت عقالي=واصبحت مثل الهشيم وهيب اشعاله
هاتو عزاه وعزيا فيه عزالي=عساه في جنة الرحمن وظلاله
مرحوم ياياسر سوى الصبر مالي =مرحوم ياللي خذا ارضاي بكماله
والله يلطف بمن حاله من احوالي=اللي جراله من الفجعة ويجراله
وعسى طلال بروض برد وزلالي=في جنة الفردوس يلطف باله
ويحسن عزاهم في مصاب وغالي=ويفرغ عليهم جميل الصبر بجلاله
والله يشفي من بقا وما يزالي=على سريره يلطف الله بحاله
ويلفون اهلهم عنهم الباس زالي=في حول رب عالم من شكاله
وختامها مسك ترابه يهالي=على لحد قبر الحبيب ووصاله
الشاعر
عبدالله عشوى العنزى

**طلال معيض** · 31/07/10, (04:26 PM)

تغمده الله بواسع رحمته والله انها لقصيدة تلين لها الجبال

الله يصبرك على ابنك وجعله الله شفيعا لك

صح لسانك ولاهنت
الشاعر عبدالله
تقبل مروري

**عامر العنزي** · 31/07/10, (04:42 PM)

رحم الله فقيدكم واسكنه فسيح جنانه

اللهم اشفع به لوالديه والله يصبرك وانشالله تحتسب الاجر العظيم

اللهم بارك لك بالباقين واحفظهم من كل شر ومكروه انهو هو السميع والقادر عليه

اخوي عبد الله قصيده مؤثر بالنفوس

تقبل مروري اخي

**أبو غرام** · 31/07/10, (05:55 PM)

الله يرحمه ويسكنه فسيح جناته
والله يلهمكم الصبر والسلوان
والف شكر لك اخوي بدر
على نقل ما باح به والدك ..
اخوك ابو احمد

**بنت الكحيلا** · 04/08/10, (09:32 AM)

رحم الله فقيدكم واسكنه فسيح جنانه

اللهم اشفع به لوالديه والله يصبرك وانشالله تحتسب الاجر العظيم

اللهم بارك لك بالباقين واحفظهم من كل شر ومكروه انهو هو السميع والقادر عليه

اخوي عبد الله قصيده مؤثر بالنفوس

لك كل التقدير

**معيض بن عريفج** · 04/08/10, (12:05 PM)

رحم الله فقيدكم واسكنه فسيح جنانه

اللهم اشفع به لوالديه والله يصبرك وانشالله تحتسب الاجر العظيم

اللهم بارك لك بالباقين واحفظهم من كل شر ومكروه انه هو السميع والقادر عليه

اخوي عبد الله قصيده مؤثر بالنفوس واستعن بالصبر والصلاة بعد الله وعظم الله اجرك وانا اخوك

لك كل التقدير

**حمد الخمعلي** · 04/08/10, (06:29 PM)

رحمة الله عليه واسكنه فسيح جناااته

انا لله وانا اليه راجعون